Tags-Raaz

aage baḌhe na qissa-e-ishq-e-butāñ se ham
sab kuchh kahā magar na khule rāz-dāñ se ham

vo mirī chīn-e-jabīñ se ġham-e-pinhāñ samjhā
rāz-e-maktūb ba-be-rabti-e-unvāñ samjhā

hāl-e-dil kab ye nigāhoñ se bayāñ hotā hai
rāz-e-ulfat na ye auroñ pe ayaañ hotā hai

khulā na thā ye kabhī raaz un kī qurbat meñ
ki duur ho ke vo mujh se qarīb-tar hoñge

aañkh jab band huī khul gayā rāz-e-qudrat
shān-e-ma.abūd añdhere meñ ujālā dekhā

ḳhabar liyāyā hai hudhud mere ta.iiñ us yār-e-jānī kā
ḳhushī kā vaqt hai zāhir karūñ rāz-e-nihānī kā

jab chāñdnī shab meñ yaad kisī zālim kī nahīñ jiine detī
phir rāz-e-mohabbat ghabrā kar tāroñ se batānā paḌtā hai

ravāñ-davāñ inkishāf-dar-inkishāf the ham
jo muḌ ke dekhā to seġha-e-rāz ham hue the

suḳhan kā āġhāz pahle bose kī tāzgī thā
azal-rubā sā.atoñ ke hamrāz ham hue the

kuredte phir rahe haiñ ab ret sāhiloñ kī
vahī jo ġhota-zan-e-yam-e-rāz ham hue the

rāz-e-hastī tishna-e-ta.abīr hai tere baġhair
zindagī taqsīr hī taqsīr hai tere baġhair

kyuuñ mirā shauq-e-farāvāñ hai ba-har lamha fuzūñ
kyā koī rāz-e-mashiyyat hai na milnā terā

paas aa ke bhī fāsle kyuuñ haiñ
raaz kyā hai samajh meñ ye aayā

ta.ajjub un ko hai kyuuñ merī ḳhud-kalāmī par
har aadmī kā koī rāz-dāñ zarūrī hai

tum bhī 'majāz' insān ho āḳhir laakh chhupāo ishq apnā
ye bhed magar khul jā.egā ye raaz magar ifshā hogā

abas hai raaz ko paane kī justujū kyā hai
ye chāk-e-dil hai use hājat-e-rafū kyā hai

bhūltā hī nahīñ vo marhala-e-rāz-o-niyāz
ham manāte to koī aur bhī rūThā jaatā

ai dast-e-rāz markab-e-daurāñ hai sust-rau
lā mere haath meñ rasan-e-kā.enāt de

paatā huuñ maiñ jahāñ use hote haiñ vaañ muḳhil
hairāñ huuñ ab ki rāz-e-dil us se kahāñ kahūñ

us ne hazār ahd-e-mohabbat ke bāvajūd
jo raaz pūchhtī huuñ batāyā nahīñ mujhe