Tags-Raaz

haañ aañkh tar nahīñ magar aañsū kahāñ se aa.eñ
hamrāz ḳhūn-e-dil to piye jā rahā huuñ maiñ

jo dil kā raaz thā use kuchh dil hī pā gayā
vo kar sake bayāñ na hamīñ se kahā gayā

ai 'suhail' is meñ nihāñ hai us kī mahbūbī kā raaz
tab-e-mausam dekh kar fauran badal jaatī hai dhuup

aam alfāz meñ poshīda ma.ānī kī taheñ
har nigāh-e-ġhalat-andāz liye raaz kā rañg

maiñ ne duniyā tirī taḳhlīq pe sochā thā bahut
rāz-e-gum-gashta-e-mahbūb ayaañ tak na huā

kuredte phir rahe haiñ ab ret sāhiloñ kī
vahī jo ġhota-zan-e-yam-rāz ham hue the

ravāñ-davāñ inkishāf-dar-inkishāf the ham
jo muḌ ke dekhā to seġha-e-rāz ham hue the

suḳhan kā āġhāz pahle bose kī tāzgī thā
azal-rubā sā.atoñ ke hamrāz ham hue the

turbat se āshiqoñ ke na uThā kabhū ġhubār
jī se ga.e vale na ga.iiñ rāz-dāriyāñ

is ke sivā ye raaz bhalā kaun jāntā
vo sab ko gāliyoñ se navāze magar mujhe

ye rāz-o-niyāz aur ye samāñ ḳhalvat kā
ye aañkh meñ aañkh Daal denā terā

sun rahā huuñ havādis kī āvāz ko pā rahā huuñ zamāne ke har raaz ko
dosto uTh rahā hai diloñ se dhuāñ aañkh lene lagī hichkiyāñ dosto

garche hai tarz-e-taġhāful parda-dār-e-rāz-e-ishq
par ham aise kho.e jaate haiñ ki vo pā jaa.e hai

khulā ye raaz rihā.ī ke ba.ad hī mujh par
banāyā us ne mujhe yarġhamāl mere liye

maanā ki lab ḳhamosh the āñkheñ to chup na thiiñ
sab raaz faash kar gayā terī nazar kā rañg

vo harf-e-rāz jo lab tak kisī ke aa na sakā
hakīm-e-rāz kī baanī samajh sako to kahūñ

kyā batā.eñ rāz-e-dil ab ham tujhe
dil se kab chhuptā hai koī raaz dost

sun mire dil kī zarā āvāz dost
ai mire mohsin mire hamrāz dost

laakh parde meñ koī kyuuñ na chhupe
rāz-e-ulfat to ab chhupā na rahā

mere sajde raaz nahīñ rahne vaale
us kī chaukhaT māthe ko chamkātī hai