English
Favourite
Favourite
UrduShayarUrduShayar
Expand menu
Sign inAccount

Tags-Ruswai

us kī rusvā.ī kā bhī aayā na tujh ko kuchh ḳhayāl
kis qadar bebāk tū ai dīda-e-tar ho gayā
Ghazal
 kis se aazurda mere qatil ka KHanjar ho gaya
aap to hashr uThāne ke liye kahte the
aañkh tak uTh na sakī ālam-e-rusvā.ī meñ
Ghazal
 mujh mein tanhai meri aur main tanhai mein
khul gayā ab ki hai ādāb-e-mohabbat baḌī chiiz
ham jo mārūf hue jalva-e-rusvā.ī meñ
Ghazal
 mujh mein tanhai meri aur main tanhai mein
dāman-o-jeb-o-garebāñ bhī nisār-e-vahshat
ab kisī baat meñ zillat hai na rusvā.ī hai
Ghazal
 ek neamat tere mahjur ke hath aai hai
jis ne 'dā.ūd' najā nañg ho dīvāna-e-ishq
us kuuñ rusvā.ī-e-sañgsār setī kyā matlab
Ghazal
 jab mila yar tu aghyar seti kya matlab
lageñ haiñ dekhne jab 'mus.hafī' ham us ke kūche meñ
Tuk ik phir kar bhī rusvā.ī ke Dar se dekh lete haiñ
Ghazal
 idhar se jhankte hain gah udhar se dekh lete hain
maiñ akelā na thā kū-rusvā.ī meñ
saath vīrāna-e-jism-o-jāñ bhī gayā
Ghazal
 ramz-gar bhi gaya ramz-dan bhi gaya
arsa-e-hashr meñ rusvā.ī yaqīnī thī magar
terī rahmat ne har ik jurm chhupā rakkhā hai
Ghazal
 mujhko duniya ke har ek gham se chhuDa rakkha hai
apne dil se rusvā.ī kā ḳhauf nikāl
'az.har' ab tasvīr mirī dālān meñ rakh
Ghazal
 kal pardes mein yaad aaegi dhyan mein rakh
dil to ruktā hai agar band-e-qabā baaz na ho
chaak kartā huuñ garebāñ ko to rusvā.ī hai
Ghazal
 aks bhi kab shab-e-hijran ka tamashai hai
naġhme sargoshī ke lahrāte haiñ panghaT panghaT
tohmateñ hañstī haiñ rusvā.ī ġhazal gaatī hai
Ghazal
 jab teri yaadon ki purwai ghazal gati hai
āshnā.ī rahī na rusvā.ī
ḳhūñ-chakāñ guftugū kareñ kaise
Sher
 aashnai rahi na ruswai
mohtaram kah ke mujhe us ne pashemān kiyā
koī pahlū na milā jab mirī rusvā.ī kā
Ghazal
 silsila yun bhi rawa rakkha shanasai ka
dost hai vo piiTh par aa.egā neza taan kar
bhaa.ī hai to jā mirī rusvā.ī kā sāmān kar
Ghazal
 dost hai wo piTh par aaega neza tan kar
mire allāh ye patthar ki butoñ kā dil hai
rahm rusvā.ī kā Dar ḳhauf-e-ḳhudā kuchh bhī nahīñ
Ghazal
 maine un se jo kaha dhyan mera kuchh bhi nahin
tardīd to kar saktā thā phailegī magar baat
is taur bhī hogī tirī rusvā.ī zarā aur
Ghazal
 ho jaegi jab tum se shanasai zara aur
bol ke sach hī adālat meñ huī rusvā.ī
ab to sach ye hai hameñ sach se bhī Dar lagtā hai
Ghazal
 surKHiyan paDh ke in aKHbaron ki Dar lagta hai
ham us ke dar pe jaane kī jo rusvā.ī hai sah leñge
talāsh us kī jo dar pe ġhair ke laa.ī to kyā hogā
Ghazal
 mohabbat hi agar tujhko na ras aai to kya hoga
kār-zār-e-hayāt meñ aksar
ham ko apnoñ ne dī hai rusvā.ī
Ghazal
 chand Duba to ye saza pai
yaar se ḳhvārī-o-rusvā.ī hameñ behtar hai
ġhair kī izzat-o-hurmat se vafā kī saugand
Ghazal
 naz ka mara hua hun main ada ki saugand
Top Urdushayar.com