Tags-Sabr

kījiye chaak garebāñ ko bahār aa.ī hai
zikr be-lutf hai yaañ sabr o shakebā.ī kā

matā-e-sabr-o-sukūñ jis ne dil se chhīn liyā
vo dil-navāz adā-āshkār bhī to nahīñ

charāġh sabr ke jis ne jalā.e royā hai
havā se rabt-o-ta.alluq baḌhā.e royā hai

sabr yā rab mirī vahshat kā paḌegā ki nahīñ
chāra-farmā bhī kabhī qaidi-e-zindāñ hoñge

dil TukḌe ho ke sabr kā dāman huā hai chaak
kis se kahūñ ki chāk-garebāñ ko kyā huā

mire log ḳhema-e-sabr meñ mire shahr gard-e-malāl meñ
abhī kitnā vaqt hai ai ḳhudā in udāsiyoñ ke zavāl meñ

dekho hamārā sabr ki ham ne nahīñ piye
aañsū hamāre paas paḌe the furāt bhar

sabr lāzim hai tujhe koh-e-mohabbat pe zarūr
jazb-e-dil ko tū kahīñ taisha-e-farhād na kar

har jabr pe sabr kar rahā huuñ
is tarah kahīñ ujaḌ na jā.ūñ

musta.id haiñ us but-e-tannāz par bahr-e-nisār
yak taraf sabr-o-dil-o-dīñ jān-o-īmāñ yak taraf

naaz parastish ban jā.egā sabr zarā ai shorish-e-dil
ulfat kī dīvāna-garī se husn abhī begāna hai

zulm vo zulm ajal DhūñDhtī phirtī hai panah
sabr vo sabr ki sharminda hai āzār ki bas

aap zulmoñ kī intihā kar leñ
ham abhī sabr āzmā.eñge

tāb-o-tavān-o-dīn-o-dil-o-aql-o-sabr-o-hosh
vo shoḳh mujh se le gayā sab ik nigāh se

chārāgar nāseh-e-mushfiq dil-e-be-sabr-o-qarār
jo milā ishq meñ ġham-ḳhvār vo nādāñ niklā

vo tamām shukr-o-razā sahī vo tamām sabr-o-sukūñ sahī
tū hai jis se mā.il-e-imtihāñ vo farishta hai to bashar bhī hai

darūn-e-ḳhāk rahā kārvān-e-nik.hat-o-rañg
numū ne sabr kiyā āḳhirash duhā.ī dī

sar chashm sabr dil diiñ tan maal jaan āThoñ
sadqa ka.ī haiñ tum par lo mehrbān āThoñ

ye aur baat ki ham meñ hī sabr-o-zabt nahīñ
ye aur baat ki lamhāt Talte rahte haiñ

qarār-o-sabr jo karne the kar chuke barbād
havās-o-hosh jo khone the kho liye sāhib