Tags-Sach

sach se katrā.e agar log yahāñ
lafz mafhūm se katrā.egā

insāf kī mīzāñ meñ use tol to 'sāhir'
sab sach hai nahīñ jhuuT kī kuchh us meñ milāvaT

nahīñ hai ḳhvāb ye sach hai na e'tibār aayā
ye kyā huā ki unheñ aur mujh pe pyaar aayā

maiñ tanhā laḌkī dayār-e-shab meñ jalā.ūñ sach ke diye kahāñ tak
siyāhkāroñ kī saltanat meñ maiñ kis tarah āftāb likkhūñ

sach hai jo kuchh bhī hai vo hai garmī-e-bāzār-e-husn
ahl-e-dil kā soz-e-pinhāñ kuchh nahīñ haañ kuchh nahīñ

yaad aa hī jaatī hai aksar dil-e-barbād kī
yuuñ to sach hai chand zarrāt-e-pareshāñ kuchh nahīñ

sabr kī chādar ko oḌhe ḳhvāb-gāhoñ meñ raho
sach kī duniyā chhoḌ kar va.adoñ kī bastī meñ chalo

samajh kā pher hai achchhā burā sab
jo sach pūchho to achchhā kyā burā kyā

ye daur bhī kyā daur hai is daur meñ yaaro
sach bolne vāloñ kā hī anjām burā hai

sach bhī mujhe kahne na diyā
zahr pilāne vāloñ ne

ek sach ye hai ki us ne hī kiyā hai barbād
ek ye bhī hai ki vo zehn se jaatā hī nahīñ

vagarna sach hai to ai jaan itnī muddat meñ
yahī bas ek kahī tum ne mere man kī sī

muravvat se ho begāna vafā se duur ho kosoñ
ye sach hai nāznīñ ho ḳhūb-sūrat ho magar kyā ho

'alvī' pyāre sach sach kahnā kyā ab bhī
usī ko rotā dekh ke yaad aatā huuñ maiñ

ye bāteñ sach haiñ na jhuuT un ko jāniyo yāro!
nasīhateñ haiñ unheñ dil se māniyo yāro!

pahle bhī ho rahī thiiñ par sirf shā.irī meñ
āñkheñ to ab kī sach-much mai-ḳhāna ho rahī haiñ

sach huuñ to mujhe amar banā de
jhūTā huuñ to naqsh sab miTā de

jo sach kahūñ to mohabbat-shi.ār 'ajmal' meñ
hazār aib sahī aadmī burā bhī nahīñ

mujh ko bhātī nahīñ vallāh maiñ sach kahtā huuñ
zāhirī aur dikhāve kī sajāvaT yaaro

haañ miyāñ sach hai tumhārī to balā hī jaane
jo guzartī hai mire dil pe ḳhudā hī jaane