Tags-Safar

mirī tamannā hai ab ke tum phir milo to jī bhar ke muskurā.eñ
ki dekhnā hai ye raushnī kā safar bahut der ba.ad jā kar

dil kā safar sho.aloñ kā safar hai
shabnam kī barsāt na hogī

pata milā hai vo thā merā ham-safar bahut der ba.ad jā kar
kahāñ kahāñ se milī hai mujh ko ḳhabar bahut der ba.ad jā kar

zamāne ko to hamesha safar meñ rahnā hai
jo qāfile na chaleñ raste chalte rahte haiñ

mirī galī ke makīñ ye mire rafīq-e-safar
ye log vo haiñ jo chehre badalte rahte haiñ

safar āġhāz karnā thā jahāñ se zindagī kā
hameñ un rāstoñ se ab guzārā jā rahā hai

na jaane kaun sī manzil pe bujh jaa.eñ mirī āñkheñ
so maiñ ne ik ik ham-safar rakkhā huā hai

vahī gumāñ hai jo us mehrbāñ se pahle thā
vahīñ se phir ye safar hai jahāñ se pahle thā

gard-e-safar meñ kho ga.e aise hazāroñ rāh-rau
raah meñ jo Thahar ga.e āñdhiyoñ se jo Dar ga.e

ye ziist kā safar bhī 'munavār' ajiib hai
manzil hai kitnī duur hameñ kuchh patā nahīñ

tum na paḌhnā vo safar-nāma jo nok-e-ḳhār par
kū-ba-kū sahrā-ba-sahrā aable likhte rahe

na jazbāt se ye safar tai huā
na dil se kabhī ye zabāñ tak ga.e

maiñ ek gumbad-e-be-dar meñ qaid huuñ 'ārif'
mirī navā kā safar varna be-darā bhī nahīñ

mukaddar hī thā kuchh aisā hamārā
safar kaTtā rahā tanhā hamārā

jab safar se lauT kar aa.e to kitnā dukh huā
is purāne baam par vo sūrat-e-zebā na thī

kabhī paar bhī kar pā.eñgī sukūt ke sahrā ko
darpesh hai kitnā aur safar āvāzoñ ko

har har qadam pe ik na.ī dīvār thī khaḌī
us raat ke safar meñ ujālā bhī the hamīñ

is safar se koī lauTā nahīñ kis se pūchheñ
kaisī manzil hai jahān-e-guzarāñ se aage

dasht-e-ġhurbat meñ rāh-e-hastī meñ
maiñ samajhtā huuñ ham-safar ho tum

is safar se koī lauTā nahīñ kis se pūchheñ
kaisī manzil hai jahān-e-guzarāñ se aage