Collections

Lab Shayari

Motivational Ghazals

Best Khamoshi Shayari

More Collections

Tags-Sahil

duur thā sāhil bahut dariyā bhī tuġhyānī meñ thā
ik shikasta-nāv sā maiñ tez-rau paanī meñ thā

dur tha sahil bahut dariya bhi tughyani mein tha

ham ki sāhil ke tasavvur se sahm jaate haiñ
log kis tarah samundar meñ utarte hoñge

hum ki sahil ke tasawwur se sahm jate hain

ek sāhil kā tamāshā.ī hai bas merā vajūd
merī miTTī meñ hai poshīda samundar koī

fikr-e-ijad mein hun khol naya dar koi

jo Dubo.egī na pahuñchā.egī sāhil pe hameñ
ab vahī mauj samundar se ubharne ko hai

jo Duboegi na pahunchaegi sahil pe hamein

tumhīñ ne mauj-e-tamannā ko sar-e-kashīda kahā
tum hī ne ḳhvāhish-e-sāhil ko sargirāñ likkhā

kahin pe qais kahin kohkan miyan likkha

yaqīñ sāhil pe hone kā to hogā
abhī tashkīk ke sāgar meñ huuñ maiñ

KHud apni zat ke shahpar mein hun main

jamāl-e-mastī-e-ġharqāb meñ dam-ḳham to hai lekin
kisī chashm-e-fanā kī ḳhvāhish-e-sāhil kā kyā kahnā

junun ke qafilon ki be-nishan manzil ka kya kahna

sāhil tamām ashk-e-nadāmat se aT gayā
dariyā se koī shaḳhs to pyāsā palaT gayā

sahil tamam ashk-e-nadamat se aT gaya

gahrā.iyoñ meñ zehn kī girdāb sā rahā
sāhil pe bhī khaḌā huā ġharqāb sā rahā

gahraiyon mein zehn ki girdab sa raha

bhaag niklā thā jo tūfāñ se chhuḌā kar dāman
sar-e-sāhil vahī Duubā huā kashtī meñ milā

kab nishan mera kisi ko shab-e-hasti mein mila

sāhil ko bhī chhoḌte nahīñ log
kashtī pe bhī paañv dhar rahe haiñ

jine ke liye jo mar rahe hain

paanī paanī kahne vaale dariyā dariyā Duub ga.e
kis muñh se sāhil vāloñ se tishna-labī kī baat kareñ

aao ye KHamoshi toDen aaine se baat karen

nā-ḳhudā ye donoñ sāhil ek hī dariyā ke haiñ
ye kināra mil gayā yā vo kinārā mil gayā

wusat-e-daman-e-dil ko gham tumhaara mil gaya

mafhūm kā sāhil to nazar aatā hai lekin
maiñ der se gardāb-e-ma.ānī meñ ghirā huuñ

bechain hun KHunaba-fishani mein ghira hun

duur sāhil pe khaḌe rah ke tamāshā karnā
kisī ummīd ke mañjdhār meñ mat aa jaanā

ghar ki dahliz se bazar mein mat aa jaana

vo vaqt aa gayā hai ki sāhil ko chhoḌ kar
gahre samundaroñ meñ utar jaanā chāhiye

wo waqt aa gaya hai ki sahil ko chhoD kar

mujh ko jis raat samundar ne utārā ḳhud meñ
maiñ ne us raat bhī sāhil kī taraf-dārī kī

lahr us aankh mein lahrai jo be-zari ki

afsos tamavvuj unheñ sāhil pe na laayā
anmol guhar varna tah-e-āb bahut the

tabir se mahrum tere KHwab bahut the

ahl-e-tūfāñ soch rahe haiñ sāhil Duubā jaatā hai
ḳhud un kā dil Duub rahā ho ye bhī to ho saktā hai

KHamoshi KHud apni sada ho ye bhi to ho sakta hai

maujeñ sāhil se haTātī haiñ habāboñ kā hujūm
vo chale aa.e haiñ sāhil par nahāne ke liye

surKHiyan kyun DhunDh kar laun fasane ke liye