Tags-Sahra

chhiḌkā jise adam ke samundar pe aap ne
sahrā tamām ḳhaak ke us bulbule meñ thā

ye kaun dīvāne reg-e-sahrā ko mauja-e-ḳhūñ se sīñchte haiñ
koī kaho is junūñ kī us nau-bahār tak bhī ḳhabar ga.ī hai

shabnam ko ret phuul ko kāñTā banā diyā
ham ne to apne baaġh ko sahrā banā diyā

zindagī ke sahrā meñ kuchh nishāñ nahīñ milte
rāste to milte haiñ kārvāñ nahīñ milte

sahrā meñ tez dhuup kā ehsās hī nahīñ
baaqī hai ek peḌ abhī āsare meñ huuñ

sahrā kā safar thā to shajar kyuuñ nahīñ aayā
māñgī thiiñ duā.eñ to asar kyuuñ nahīñ aayā

dil ke safar meñ lahū kā dariyā paar kiyā
us ke aage sahrā meñ sahrā niklā

ye arz-o-samā qulzum-o-sahrā mut.harrik
ik tū hī nahīñ shams hai duniyā mut.harrik

milte haiñ dukhāne ko mirā dil hī ka.ī log
phir dard ke sahrā meñ sulāte haiñ mujhe ḳhvāb

kyuuñ na sahrā ko nichoḌūñ ki mirī pyaas bujhe
degā ik qatra na kanjūs samundar mujh ko

ḳhāk-e-sahrā to bahut duur hai ai vahshat-e-dil
kyuuñ na zehnoñ pe jamī gard uḌā dī jaa.e

apne ehsās ke sahrā meñ taqaddus chāhūñ
apne jazbāt kī ghāTī meñ shivāle māñgūñ

andhoñ ke is nagar meñ diye kī misāl ban
sahrā meñ gul khulegā to yaktā.ī aa.egī

arz-e-sarishk par hai fazā-e-zamāna tañg
sahrā kahāñ ki dāvat-e-dariyā kare koī

laḳht-e-jigar se hai rag-e-har-ḳhār shāḳh-e-gul
tā chand bāġh-bāni-e-sahrā kare koī

vus.ateñ dāman-e-sahrā ko bhī baḳhshī hotīñ
tū ne baḳhshī thī agar fitrat-e-sīmāb mujhe

Tīloñ ko saath le ke jo uḌtī rahī havā
sahrā kā rañg barf ke gāloñ meñ aa.egā

tamām sahrā-o-dasht-o-jabal kaheñ labbaik
azal se phailī fazāoñ meñ ik azaan to hai

kitne sahrā ki simaT aa.e haiñ siine meñ mire
tishnagī merī na sūkhe hue lab se pūchho

ye shahr shahr kī ābādiyāñ fanā kī taraf
ye jītī-jāgtī āñkhoñ meñ vahshat-e-sahrā