Tags-Samundar

lāmbā jism samundar jaisā
sūraj jis ke bhītar chain

ye kaisī bad-duā dī hai kisī ne
samundar huuñ magar khārā huā huuñ

ik tūfān aur ek jazīra haa.il hai
Dūbne aur samundar paar utarne meñ

sāhil na rahegā tahī-dāmāñ ki samundar
ik din koī motī bhī ugal jā.egā sā.īñ

janam janam se mirī pyaas sar paTaktī hai
janm janm se samundar safar meñ rahtā hai

ġharq ho jā.ūñgā apne meñ vo dariyā maiñ huuñ
kab talak raahī samundar kā ishārā dekhūñ

mujhe to karnī paḌī ābyārī-e-sahrā
magar nasīb meñ thī tishnagī samundar kī

samundar kī kuchh būñdoñ se baat kī
vo bhī apne vajūd ko le kar vyākul haiñ

samundar ko abhīmān kis baat kā
kyā pata

tum use paanī samajhte ho to samjho sāhab
ye samundar kī nishānī hai mire kuuze meñ

maiñ ne jin āñkhoñ meñ dekhe the samundar maujzan
un meñ jo bhī Dūbne vaalā mile pyāsā mile

terā ehsās zarā sā tirī hastī pāyāb
to samundar kī tarah shor machātā kyā hai

rū-e-zamīñ kā ik ik manzar apnī nazar ke dam se hai
sahrā aur samundar ham haiñ gulshan aur vīrāna ham

hameñ apnī zad meñ hī rahnā paḌegā ḳhudī ko ḳhudī meñ Dubonā paḌegā
na aape se bāhar tū aanā samundar samundar ko samjhā rahe haiñ kināre

duur tak phailā huā hai ek an-jānā sā ḳhauf
is se pahle ye samundar is qadar barham na thā

maiñ us zamīñ ke liye phuul chun rahā huuñ 'ra.īs'
mirā nasīb jahāñ be-amāñ samundar thā

sāhil se uThā hai na samundar se uThā hai
jo shor mirī zaat ke andar se uThā hai

raat bhī chāñd bhī samundar bhī
mil ga.e kitne ġham-gusār mujhe

basāratoñ pe bhañvar inkishāf kartā hai
ki bulbule kā samundar tavāf kartā hai

raat kā ye samundar tumhāre liye
tum samundar kī ḳhātir bane ho