Tags-Saqi

vahāñ mujhe shauq-e-dil tū le jā jahāñ na sāġhar na ho.e miinā
ba-rañg-e-sāqī har ek baiThā sharāb-e-ḳhālis Tapak rahī hai

chashm-e-sāqī kā ishāra pā kar
riñd ko nāra-e-hū yaad aayā

nahīñ ashk-e-musalsal ye garebāñ-gīr ai saaqī
gale meñ apne āshiq sub.ha-e-sad-dāna rakhte haiñ

talḳhī-e-ġham kā jo hai mukammal javāb lā
ya.anī sharāb lā mire saaqī sharāb lā

saaqī ġharaz ye tujh se guzārish hai 'barq' kī
āñkhoñ se jo uThā de duī kā hijāb lā

bharam rahegā tire mai-kade kā bhī saaqī
balā se ḳhālī sahī haath meñ gilās to hai

surḳhi-e-mai kam thī maiñ ne chhū liye saaqī ke hoñT
sar jhukā hai jo bhī ab arbāb-e-mai-ḳhāna kaheñ

jis ne chashm-e-mast-e-sāqī dekh lī
tā qayāmat us pe hushyārī harām

saaqī sabhī ko hai ġham-e-tishna-labī magar
mai hai usī kī naam pe jis ke ubal paḌe

ham ne saaqī ko bhī dekhā pīr-e-mai-ḳhāna ko bhī
koī bhī in meñ na rāz-āgāh-e-mai-ḳhāna milā

pilā de apne hāthoñ se zarā ik jaam ai saaqī
tire mai-kash dar-o-dīvār-o-dirham chhoḌ aa.e haiñ

mai-ḳhāne ke saa.e meñ rahne de mujhe saaqī
mai-ḳhāne ke bāhar to ik aag barastī hai

le uḌā baad ke mānind pa paanī saaqī
kashtī-e-mai huī juuñ taḳht-e-sulaimāñ paidā

tumheñ kis ne bulāyā mai-kashoñ se ye na kah saaqī
tabī.at mil ga.ī hai varna maiḳhāne bahut se haiñ

mazā hai saaqī tire karam se zuhūr merā hai tere dam se
vo baada huuñ jo huuñ mai-kade meñ vo nashsha huuñ jo sharāb meñ huuñ

mazā hai bāda-kashī kā vahīñ to ai saaqī
piyūñ jo ab to tire āstāñ pe aa ke piyūñ

vo mai-kada hai na saaqī hai kuchh na pūchho 'shād'
maiñ kis ke ghar meñ piyūñ kis ke ghar se lā ke piyūñ

zamīñ pe jaam ko rakh de zarā Thahar saaqī
maiñ tujh pe huuñ luuñ tasadduq to phir uThā ke piyūñ

maiñ huuñ aur saaqī ho aur hoñ raas o chup ye vo baham
jaam dast-e-chup ke paas aur shīsha dast-e-rās paas

mast kar ke mujhe auroñ ko lagā muñh saaqī
ye karam hosh meñ rah kar nahīñ dekhe jaate