Tags-Saqi

ḳhayāl itnā rahe bas apne sāġhar kī pilāne meñ
tirā anjām hai saaqī mirā āġhāz hai saaqī

sharāb-e-arġhavānī bhī piyūñ maiñ ḳhud to paanī hai
pilā.e tū jo paanī bāda-e-shīrāz hai saaqī

tire husn-e-nazar kā ye bhī ik e.ajāz hai saaqī
ki har mai-kash zamīñ par āsmāñ parvāz hai saaqī

kareñ tauba to dil bechain agar pī leñ to rusvā.ī
ajab uljhan meñ apnī mai-kashī kā raaz hai saaqī

idhar bhī ik nazar o sab kī jānib dekhne vaale
ki ik riñd-e-ḳharābātī nazar-andāz hai saaqī

jabīn-e-shauq sajda kar kahāñ kā pās-e-rusvā.ī
ḳhushā-vaqte ki sargarm-e-ḳhirām-e-nāz hai saaqī

saaqī ye terā faiz-e-karam hai ki mai-gusār
bebāk the hī aur bhī bebāk ho ga.e

saaqī kī nashīlī ā.ankhoñ se saarī duniyā saarā aalam
badmast huī badmast huā sarshār huī sarshār huā

aaj mujh ko vo mai-e-hosh-rubā de saaqī
aur to aur dil apne se bhī begāna bane

mai-parastī kā muayyan koī me.aar nahīñ
jis kā jo zarf ho saaqī vahī paimāna bane

aayā thā yahī dil meñ mere rindoñ hī pe kalī bhī pheñkūñ
saaqī kā ishāra paate hī meñ zahr-e-sitam ko ghuuT gayā

apnā ḳhūn-e-jigar piite haiñ tujh ko duā.eñ dete haiñ
tere maiḳhāne meñ saaqī ham sā bāda-ḳhvār kahāñ

na mai-o-jām hai na saaqī hai
aisī barsāt ḳhush nahīñ aatī

ḳhair saaqī kī salāmat mai-kada
jis qadar pī utnī hushyārī baḌhī

na maiñ vārafta-e-mutrib na maiñ jāñ-dāda-e-sāqī
agar mahfil se uTh jā.ūñ to mahfil bad-gumāñ kyuuñ ho

koī mai-ḳhāna koī saaqī koī jām-e-sharāb
har taraf bad-mastiyāñ be-hoshiyāñ dehlī meñ haiñ

saaqī to saaqī bāda-parastoñ ke paañv par
sajde kirā.e laġhzish-e-mastāna-vār ne

maiñ bhī huuñ ik sāqī-e-mai-nosh tere daur meñ
kafsh-bardār-e-sharīk-e-ḳhādinmān-e-mai-farosh

kaun kahtā hai ki mahrūmī kā shikva na karo
haañ magar sāqi-e-mai-ḳhāna ko rusvā na karo

ġhazal mastī meñ likh ik aur bhī 'inshā' ki tā tere
balā.eñ aa ke saaqī le tujhe pīr-e-muġhāñ lipTe