Tags-Sawal

phir log aa ga.e mirā maazī kuredne
phir mujh se ik savāl tujhe dekh kar huā

nazar nazar meñ hazāroñ savāl haiñ lekin
falak se koī mirī samt dekhtā bhī to ho

shaam khultī hai tere aane se
lab pe terā savāl rakhtī hai

zindagī meñ sab ke sab uljhe hue
zindagī hai bhī bahut mushkil savāl

ye batā ravāq ke ma.anī haiñ kyā
bhuuk kī shiddat ye kartī hai savāl

mahshar meñ ik savāl kiyā thā karīm ne
mujh se vahāñ bhī aap kī tārīf ho ga.ī

de gayā hai javāb aa kar vo
rah ga.ī hai savāl kī hairat

bayān-e-shauq banā harf-e-iztirāb banā
vo ik savāl ki jis kā na kuchh javāb banā

lab-e-talab bhī na phir mā.il-e-savāl huā
ki jab taqaddus-e-kashkol pā.emāl huā

mire savāl se har shaḳhs ko malāl huā
pe hal kiyā na kisī ne bhī mas.ala merā

us din bhī merī ruuh thī mahv-e-nashāt-e-dīd
muusā ulajh ga.e the savāl o javāb meñ

uljhā ke ḳhud hī ziist ke ik ek taar ko
ḳhud se savāl karte haiñ har baar kyā kareñ

tire dayār se jins-e-muhāl le aa.e
javāb laane ga.e aur savāl le aa.e

dil kuchh samajh sakā na muamme janāb ke
andāz hī ajab haiñ savāl-o-javāb ke

is darja merī zaat se us ko hasad huā
jo bhī savāl maiñ ne kiyā mustarad huā

unheñ zid hai arz-e-visāl se mujhe shauq-e-arz-e-visāl hai
vahī ab bhī un kā javāb hai vahī ab bhī merā savāl hai

ye mujh se ehtirāz kyuuñ ye mujh se ijtināb kyuuñ
savāl tujh se hai magar javāb ke liye nahīñ

musalsal chāhiye kī baat hai aur barmalā hai
savāl is kā nahīñ kam yā ziyāda chāhtā huuñ

mire vaqār kā savāl thā maiñ kuchh na kah sakā
guzar ga.e vo rāhatoñ kā ik jahāñ liye hue