Tags-Sayyad

mat bhuul ki ab bhī hai tirī ghaat meñ sayyād
suntā hai koī paañv kī āvāz Thahar jā

mujrim the jo ham so qaid hue sayyād magar ab ye to batā
har vaqt ye kis ko DhūñDte haiñ dīvār ke saa.e zindāñ meñ

asiir kar ke hameñ ḳhush na hoiyo sayyād
ki tū bhī yaañ to giraftār-e-dām-e-hastī hai

maut aa jaa.e qaid meñ sayyād
aarzū ho agar rihā.ī kī

kuchh haiñ bikhre hue par kunj-e-qafas ke bāhar
ḳhauf hai aur bhī rusvā kahīñ sayyād na ho

band āñkheñ thiiñ abhī mujh ko jo laayā sayyād
na to huuñ sarv kā vārafta na gul kā āshiq

par khol to diye mire sayyād ne magar
paañv meñ Daal dī mire zanjīr ḳhaak kī

sayyād ke ghar se gulshan tak allāh kabhī pahuñchā.e mujhe
ummīd nahīñ maiñ ḳhush ho kar dekhūñ ḳhush-hālī phūloñ kī

aaj sayyād ko bhī apne giraftāroñ kī
jaane kyuuñ koshish-e-parvāz pe ronā aayā

zāhir hai tarz-e-qaid se sayyād kī ġharaz
jo daana daam meñ hai so ashk-e-kabāb hai

qaid-e-qafas meñ hasrat-e-parvāz kyuuñ rahe
sayyād jo uḌā de na hai bāl-o-par kahīñ

tū samajhtā nahīñ mirī sayyād
maiñ samajhtā nahīñ zabān-e-qafas

zo.af se maiñ nazar nahīñ aatā
jaane sayyād mujh ko jān-e-qafas

tū vo sayyād hai jo vaar ke tujh par lākhoñ
tā.er-e-rūh ko āzād kiyā karte haiñ

phūñk deñ nāla-e-sozāñ se agar chāheñ qafas
ham faqat ḳhātir-e-sayyād kiyā karte haiñ

ek bulbul bhī chaman meñ na rahī ab kī fasal
zulm aisā hī kiyā tū ne ai sayyād ki bas

qafas meñ roke sitam tere dekh leñ sayyād
chaman meñ rah ke bahut lutf-e-bāġhbāñ dekhā

said kī kasrat se 'āġhā' ban paḌī sayyād kī
do ne gar paa.ī rihā.ī aa ke uljhā ek aur

ho chukā zikr-e-dahan vasf-e-kamar likhte haiñ ham
daam meñ sayyād ke phañstā hai anqā ek aur