Tags-Sayyad

thā kabhī daur-e-asīrān-e-qafas ai sayyād
ab to ik phuul kī muhtāj haiñ gulshan kaisā

uns hai ḳhāna-e-sayyād se gulshan kaisā
nāz-parvard-e-qafas huuñ maiñ nasheman kaisā

har taraf haiñ asiir ham-āvāz
baaġh hai ghar tirā to ai sayyād

bū-e-gul thā maiñ haath kyā aatā
kitne sayyād le ke daam aa.e

multafit gulchīñ haiñ na sayyād ḳhush
barq bhī nā-mehrbāñ hai āj-kal

kisī aur hī ke ghar ko kījiyo sayyād tū taz.īñ
ham apne ḳhuun hī se is qafas par rañg karte haiñ

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

haath se sayyād ke sābit na chhūTā ek said
bāl-o-par rakhte the so be-bāl aur be-par ga.e

ye kyā insāf hai sayyād chhoḌe qaid se mujh ko
ki aisā koī murġh-e-ḳhush-navā ab tak nahīñ aayā

gulshan meñ bahār aa.e ki ḳhizāñ murjhā.e kalī yā phuul khileñ
sayyād tujhe kyā matlab hai tū ashk gine jā bulbul ke

sayyād ijāzat ki zarā dekh to aa.uuñ
jaltā hai jo vo merā nasheman to nahīñ hai

huuñ daam meñ pur-afshāñ aur sādgī se hairāñ
kyuuñ tez kī haiñ chhuriyāñ sayyād kyā karegā

kunj-e-qafas se ik din hogī rihā.ī apnī
mar jā.eñge to āḳhir sayyād kiyā karegā

us kī duzdīda-nigāhī ke haiñ sab hī ghāyal
koī sayyād liye tīr-o-kamāñ ho jaise

dar-e-sayyād par barpā hai mātam
qafas meñ jab se zikr-e-bāl-o-par hai

pahle kuchh log parindoñ ke shikārī the yahāñ
ab to har aadmī sayyād banā phirtā hai

sayyād ab to chhoḌ de aatī hai fasl-e-gul
dekhūñgā haa.e kyuuñ ki tamāshā bahār kā

sayyād samajhtā thā rihā ho na sakūñgā
hāthoñ kī naseñ kaaT ke āzād huā maiñ

sayyād le ḳhabar ki diyā chāhte haiñ jaan
kunj-e-qafas meñ taaza giraftār chaar pāñch

jūu-e-jannat hai chehre sayyād kī
merī gardan par hai haq gulzār kā