Tags-Shaheed

sunā hai maqtal meñ aaj koī qatīl-e-hasrat shahīd hogā
huī jo shohrat ye shahar meñ hai har ik taraf ek sansanī hai

shahīd-e-armāñ paḌe haiñ bismil khaḌā vo talvār kā dhanī hai
idhar to ye qatl-e-ām dekhā udhar vo kaisī kaTā-chhanī hai

firāqe-e-gul se jo nāla-kash hai qafas meñ bulbul shahīd-e-jalva
bahār-e-gulshan ḳhizāñ-numā hai junūñ-zada abr-e-bahmanī hai

vahāñ to amn ke sajdoñ kī nūr-pāshī thī
kahā thā kis ne ki masjid shahīd kī jaa.e

baḌī mushkil se samjhe haiñ shahīd-e-ishq kā mansab
'sahar' ab zindagī bār-e-girāñ mālūm hotī hai

shahīd-e-nāz kī mayyat chale haiñ dafnāne
magar hai kūcha-e-jānāñ kahāñ nahīñ ma.alūm

sad tamannā shahīd haiñ yakjā
sīna-kūbī hai ta.aziya hai yaañ

kaun kahtā hai ki phir ḳhaak se uThte haiñ shahīd
sar uThā sakte haiñ maare tirī talvāroñ ke

barjā hai barg-e-gul suuñ kafan us kuuñ hue nasīb
jo kui huā shahīd vo gul-gūñ qabā ke haath

ravāñ hai mauj-e-gul-o-lāla mauj-e-ḳhūñ kī tarah
chaman shahīd-e-bahārāñ hai dekhiye kyā ho

maiñ vo shahīd-e-vafā huuñ ki qatl kar ke mujhe
mirā ġhanīm ta.assuf se haath maltā hai

shahādat apnī gavāhī pe ab bhī hai shāhid
shahīd vo haiñ jo haq ko gavāh rakhte haiñ

shahīd-e-ishq ke jalve kī intihā hī nahīñ
hazār rañg se aalam meñ rū-numā huuñ maiñ

ye dil shahīd-e-fareb-nigāh ho na sakā
vo laakh ham se ba-andāz-e-mahramāna milā

ho kar shahīd ishq meñ paa.e hazār jism
har mauj-e-gard-e-rāh mire sar ko dosh hai

rah ga.e zauq-e-tabassum meñ taġhāful ke shahīd
bismiloñ kā ḳhūñ-bahā jallād par baaqī rahā

mash.hūr ho ga.ī hai ziyārat shahīd kī
ḳhūñ-kushta aarzū kā banā hai mazār dil

shahīd jism salāmat uThā.e jaate haiñ
jabhī to gor-kanoñ se lahad nahīñ māñgī

vo mohabbat kā mujāhid vo muravvat kā shahīd
kal kā 'saulat' abhī zinda mire afkār meñ hai

honī hai shahīd ek na ik roz tamannā
mauqūf ho kyā marsiya-ḳhvānī mire dil kī