Tags-Shaheed

shahīd-e-nāz kī mayyat jo dekhī gul-dar-gul
kafan khasūT jo aa.e the haath mal ke chale

maiñ jo shahīd huuñ lab-e-ḳhāndān-e-yār kā
kyā kyā charāġh hañstā hai mere mazār kā

haañ us ne jhalkī dikhlā.ī ek hī pal ko darīche meñ
jaano ik bijlī lahrā.ī aalam ek shahīd huā

shahīd kar ke bhī mausam ne kab rihā.ī dī
shajar kī shāḳh meñ zanjīr kar diye ga.e ham

khaḌī thiiñ rāsta roke hue lākhoñ tamannā.eñ
shahīd-e-yās huuñ niklā hai kis mushkil se dam merā

jo mahfiloñ meñ shahīd-e-pindār-e-husn honā
to ḳhalvatoñ meñ ġhazāl ma.anī shikār karnā

pur-nūr jis ke husn se madfan thā kaun thā
chehra ye kis shahīd kā raushan thā kaun thā

hazrat-e-ḳhizr jab shahīd na hoñ
lutf-e-umr-e-darāz kyā jāneñ

shahīd-e-nāz kī bhūlī nahīñ mujhe sūrat
tirī taraf ko nigāheñ phirā ke rah jaanā

ḳhūn-e-shahīd-e-ishq vo kahte the faash kaise ho
rañg-e-gul-ezār se surḳh huī havā ki yuuñ

yuuñ garebāñ-chāk duniyā meñ nahīñ hotā koī
har khulā gulshan shahīd-e-gardish-e-ayyām thā

mar ke paayā shahīd kā rutba
merī is zindagī kī umr darāz

fareb-e-vāda-e-dildār kī qadr
shahīd-e-ḳhanjar-e-inkār se pūchh

log mujh ko bhī shahīd-e-ġham-e-daurāñ kahte
neza-e-vaqt pe goyā jo mirā sar hotā

tārīk huī saarī duniyā kyā maut huī mujh bekas kī
kam aise hue haiñ shahīd-e-vafā ġham jin kā ik aalam ne kiyā

qatl kyā be-gunah kā mushkil hai
chāhiye jab shahīd kar liije

the vo fitratan hī shahīd-ḳhū unheñ qātiloñ se bhī pyaar thā
kabhī maqtaloñ meñ kaTe the vo kabhī sū-e-dār chale ga.e

halāk-e-teġh-e-jafā yā shahīd-e-nāz kare
tirā karam hai jise jaise sarfarāz kare

suneñge vāqi.a us kā zabān-e-sausan se
shahīd kis kā hai ye arġhavāñ nahīñ ma.alūm