Tags-Shaheed

koī tabassum-e-jāñ-baḳhsh ko tarastā hai
shahīd-e-ishva-e-rañgīñ kā ḳhūñ-bahā bhī nahīñ

afsos 'mīr' ve jo hone shahīd aa.e
phir kaam un kā us kī talvār tak na pahuñchā

shahīd kījiyo qātil abhī na kar jaldī
Thaharne mujh ko tah-e-teġh-e-iztirāb to de

shahīd-e-nāz ġhazab ke hunar-varāñ nikle
lahū ke chhīñToñ se apnā kafan banāte haiñ

hoñ vo 'amīr-imām' ki farhād-o-qais hoñ
aao ki har shahīd kī dargāh ishq hai

is ek ḳhauf se maiñ jañg meñ shahīd huā
adū kamīna hai ta.ane ḳhudā ke māregā

maiñ huuñ shahīd-e-rāh-e-mohabbat magar 'alīm'
merā ġhalat pata mirī lauh-e-mazār de

kis ko kyā shahīd-e-nāz kis kī huī vafā pasand
kahte haiñ un ke dar par aaj ḳhalq kā azhdahām hai

tire haath se maiñ jo shahīd huā mirī ruuh kā ishq murīd huā
jo hayāt rahā to na chhoḌe qadam jo marā to tavāf-e-mazār kiyā

hasrat-e-ishtiyāq ne aaj kiyā shahīd-e-hijr
mere dil-nigār kā dekh to le mazār-e-shab

bahr-e-ḳhudā kabhī to kar shaad shahīd-e-shauq ko
roz-e-sa.īd hai vahī yaar jo tū ho yār-e-shab

ye nasīb tere shahīd kā ki kamāl-e-shauq thā diid kā
jo gilā bhī hai to vo tar nahīñ jo chhurī bhī har to ravāñ nahīñ

shahīd-e-kaif-e-tamannā hai āshiq-e-betāb
bahār-e-husn-e-safā ham-navā bane na bane

shahīd-e-lāla-rūyāñ ko bajā hai
dafan ke vaqt gar kiije kafan surḳh

pareshān hai bahut 'anjum' ḳhudārā
shahīd-e-karbalā imdād kiije

us nazāre se sab shahīd hue
vo nayan kyā balā-e-rah-zan hai

ye dil hai teġh-e-abru-e-ḳhamdār kā shahīd
is kā gavāh dīda-e-ḳhamdār thā so hai

vo bād-e-qatl bhī ḳhanjar lagā.e jaate haiñ
shahīd-e-nāz kī shaukat baḌhā.e jaate haiñ

shahīd-e-kū-e-mohabbat haiñ kaañp jaate haiñ
nadīm ḳhair se koī agar nikal aa.e

bahār nazr-e-taġhāful huī ḳhizāñ Thahrī
ḳhizāñ shahīd-e-tabassum huī bahār huī