Tags-Shahr

añdherī bastiyāñ raushan manāre Duub jā.eñge
zamīñ rotī rahī to shahr saare Duub jā.eñge

shahr meñ aap farishtoñ se bhī baḌh kar Thahre
haañ magar aap ke kirdār se vāqif maiñ huuñ

ham sahal-talab kaun se farhād the lekin
ab shahr meñ tere koī ham sā bhī kahāñ hai

kahīñ yak dasht havā chamaktī thī
shahr andhā hai abhī tak merā

yahī sunte aa.e haiñ ham-nashīñ kabhī ahd-e-shuq-e-kamāl meñ
koī shahr shahr-e-vafā bhī thā usī sar-zamīn-e-ḳhayāl meñ

shahr kyā dekheñ ki har manzar meñ jaale paḌ ga.e
aisī garmī hai ki piile phuul kaale paḌ ga.e

ye shahr-e-kam-nazarāñ ye dayār-e-be-hunarāñ
kise ye apne hunar kā gavāh maiñ ne kiyā

bas ek dil hī to hai vāqif-e-rumūz-e-hayāt
so shahr-e-jāñ kā use sarbarāh maiñ ne kiyā

ek ik saañs meñ sadiyoñ kā safar kāTte haiñ
ḳhauf ke shahr meñ rahte haiñ so Dar kāTte haiñ

tū nahīñ hai to tire shahr kī tasvīr meñ ham
saare vīrāne banā dete haiñ ghar kāTte haiñ

koī bhī shahr meñ khul kar na baġhal-gīr huā
maiñ bhī uktā.e hue logoñ se uktā ke milā

jab shaam shahr meñ aatī hai
maiñ is ko ghar le aatā huuñ

use maiñ shahr bhar meñ DhūñDh aayā
mire kamre meñ vo baiThā huā thā

vo ḳhuuñ bahā ki shahr kā sadqa utar gayā
ab mutma.in haiñ log ki dariyā utar gayā

avvalīñ shahr kī tasḳhīr meñ pahlū the bahut
rañj ke ḳhauf ke hairat ke shakebā.ī ke

bhare gharoñ se bichhaḌne kā ġham nahīñ 'shāhīn'
yahī bahut hai ki shahr-e-ḳharāb se nikle

mire shahr-e-gul mirī arz-e-jāñ kahīñ koī un kā bhī hai nishāñ
tirī be-ḳhayāl havāoñ ne jinheñ rāste se haTā diyā

ai inqalāb-e-nau ke ujāle kahāñ hai tū
saḌkoñ pe mere shahr kī kab tak dhuāñ rahe

ye sīTiyoñ kī sadā raat kā ye sannāTā
sukūt-e-shahr-e-ḳhamoshāñ hai kyā ġhazal kahiye

phoḌ kar sar tire dar par yahīñ mar jā.eñge
ham tire shahr se hijrat nahīñ karne vaale