Tags-Shajar

Thahar sako to Thahar jaao mere pahlū meñ
vo dhuup hai ki yahī sāya-e-shajar hai bahut

ye nukta kaTte shajar ne mujhe kyā ta.alīm
ki dukh to milte haiñ gar ḳhvāhish-e-numū kī jaa.e

parindoñ se sabaq sīkhā shajar se guftugū kī hai
savād-e-jāñ kī ḳhāmoshī meñ Thahre

ga.ī rutoñ meñ bahut guftugū rahī jis se
bhare chaman meñ vo bas ek hī shajar kam hai

jāgte haiñ sabhī shajar 'āzar'
dasht meñ kis ko niiñd aatī hai

kuchh to bhugtā ga.e nā-karda gunāhoñ kī sazā
zad pe āñdhī ke haiñ kuchh aur shajar ab ke baras

ik vīrāna ek shajar kuchh saa.e do pyāsī āñkheñ
dekheñ sajegī din ke makān meñ raat kī ye tasvīr kahāñ

ham kahāñ kho.e rahe der talak
dekh kar aks-e-shajar dariyā meñ

barahna shāḳh havā zard be-zamīn shajar
parinda sū-e-safar jā.egā kabhī na kabhī

azīzān-e-vatan ko ġhuncha o barg o samar jaanā
ḳhudā ko bāġhbāñ aur qaum ko ham ne shajar jaanā

mausam ne shajar pe likh diyā kyā
har harf pe jaan de rahā huuñ

maañ ke āñchal ke tale baiTh lo kuchh der ai 'tāj'
kyā ḳhabar aage ye saaya ye shajar ho ki na ho

zamāna kaash na aa.e ki phuul phal ke baġhair
faqat gharoñ kā ho jañgal shajar bhī koī na ho

naġhmoñ se jahāñ raushnī-e-dard thī kal tak
sannāTe se hai aaj vo shāḳh-e-shajar ābād

mausamoñ ke ġhazab se bachāte hue, apnī bāhoñ kā halqa banāte hue
dukh uThā.e jahāñ merī maañ ne bahut, apne āñgan kā paudā shajar kar liyā

yuuñ to har ek shaḳhs hī tālib samar kā hai
aisā bhī koī hai ki jise ġham shajar kā hai

shajar shajar mirī parvāz thī havā kī tarah
khulī fazā meñ mujhe kis ne zer-e-dām liyā

tirī dalīl bajā par ye kaise maanā jaa.e
shajar ko aag lage aur koī samar na jale

be-barg-o-bār jism thā mahrūm-e-e'tibār
sar-gamī-e-sabā ne shajar ko shajar kiyā

do larazte haath jaise saaya phailā.e shajar
kāñpte hoñToñ pe ik harf-e-duā jaise havā