Tags-Shajar

maañ kī āġhosh kī mānind hoñ shāḳheñ jis kī
vo kisī des kā ho aise shajar ke ham haiñ

phir dūsre hī din thā ajab us shajar kā haal
sabze kī in muñDeroñ pe patjhaḌ kā raqs thā

aatā agar ḳhayāl shajar chhāñv meñ nahīñ
ghar se nikal ke dhuup kī hiddat ko dekhtā

jab sar meñ havā-e-tā.at thī sarsabz shajar ummīd kā thā
jab sar-sar-e-isyāñ chalne lagī is peḌ ne phalnā chhoḌ diyā

ik shajar aisā mohabbat kā lagāyā jaa.e
jis kā ham-sā.e ke āñgan meñ bhī saayā jaa.e

parinde laḌ hī paḌe jā.edād par āḳhir
shajar pe likkhā huā hai shajar barā.e-faroḳht

zamīñ yahāñ se vahāñ talak sabz ho rahī thī
magar jo be-barg-o-bar khaḌā thā shajar thā merā

shajar pe baiThe hue haiñ panchhī tanāv meñ sab
abhī shikārī haiñ apne apne paḌāv meñ sab

mirī talāsh meñ gardāñ haiñ tiir kirnoñ ke
chhupā huā maiñ ḳhunuk sāya-e-shajar meñ huuñ

kaḌī hai dhuup shajar hai na sāya-e-dīvār
bichhaḌ ke us se sukūñ-nā-chashīda haiñ ham log

dekhte dekhte andāz-e-gulistāñ badlā
phuul the phuul shajar the na shajar tere ba.ad

jañgal khaḌe haiñ bhed ke aur ajnabī shajar
shāḳheñ nahīñ salīb ki dushvār hai najāt

juuñ shajar meñ tuḳhm-e-hāsil hai kamāl
tyuuñ 'alīmullāh' batāyā hū-ba-hū

hañs rahā thā vo harī rut kī suhānī chhāñv meñ
daf.atan har ik shajar ke pairahan maile hue

ye intiqām hai yā ehtijāj hai kyā hai
ye log dhuup meñ kyuuñ haiñ shajar ke hote hue

maiñ ik shajar sukūt thā aur merī chhāñv meñ
girtā huā sadāoñ kā ik ābshār thā

umr kā hādisa shajar kyā thā
ik kalī ho to bāġhbāñ tak ho

shajar ārām-dah hone lage haiñ
parinde rāt-din sone lage haiñ

le ga.ī khīñch ke shāyad unheñ miTTī kī mahak
uḌ ke pahuñche nahīñ kuchh phuul shajar tak ab bhī

usī ne rañg bhare haiñ tamām phūloñ meñ
vahī shajar ko samar-dār karne vaalā hai