Tags-Shajar

biij ko ḳhāk-e-numū tū baḳhshe
khiltā jā.egā shajar kā qissa

shajar hajar zamīn āsmān sab ko zo.af hai
magar ye ik javān kī rahī javān aarzū

ham ko dil ne nahīñ hālāt ne nazdīk kiyā
dhuup meñ duur se har shaḳhs shajar lagtā hai

ḳhud apne saa.e meñ hī baiThnā paḌā 'nāsir'
koī shajar mire raste meñ īstāda nahīñ

ik sadī kī dāstāñ kahtā huā
ik shajar dālān meñ sūkhā huā

shajar jalte haiñ shāḳheñ jal rahī haiñ
havā.eñ haiñ ki paiham chal rahī haiñ

vo havā chalī ki mire chaman hue raakh aur dhuveñ ke ban
ki hare shajar bhī sulag uThe ye bharī bahār meñ kyā huā

parinde mumTiyoñ pe ro rahe haiñ
shajar har ghar se kaTtā jā rahā hai

dhuup hai aur zard phūloñ ke shajar har raah par
ik ziyā-e-zahr sab saḌkoñ ko piilā kar ga.ī

jaane kyā ho gayā hai mausam ko
sabz koī shajar nahīñ miltā

pahle to dastaras thī shajar ke libās tak
lekin ḳhizāñ ne noch liyā sab kā maas tak

kabhī kabhī jo parinde bhī an-sunā kar deñ
to haal dil kā shajar ko sunāyā jaatā hai

maiñ laḌkhaḌā sā gayā sāya-e-shajar meñ zarūr
maiñ rāste meñ magar kab Thaharne vaalā thā

haa.e kaisā luT gayā bāġh-e-murād
kyā shajar phūlā-phalā jaatā rahā

parā.ī aag meñ andar se jal rahā huuñ maiñ
mire chīnār-shajar tum bachā sake na mujhe

raat ham ne jahāñ basar kī hai
ye kahānī usī shajar kī hai

ab havā se shajar kar rahā hai gila
ek gul shāḳh par kyuuñ bachā rah gayā

yahī nizām-e-jahāñ hai yahī hai rāz-e-baqā
samar hayāt-e-shajar ke sivā kuchh aur nahīñ

tuḳhm-rezī kar rahā huuñ maiñ isī ummīd par
phūlte phalte hue kal ye shajar dekheñge log

shajar shajar ko nishāna banāne vaalo tumheñ
ḳhayāl bhī na kisī ghoñsle kā aayā thā