Tags-Sher

tum agar chhū lo apne hoñToñ se
sher merā tirā na ho jaa.e

vo sher kahne lage ho tum ab to ai 'mahshar'
na koī aur hī samjhe na aap hī samjho

tum ko samajh meñ aa jaa.e to samjho sher mukammal hai
TūTe-phūTe lafzoñ meñ bas baat tumhārī kartā huuñ

banñe lagtī hai jahāñ sher kī sūrat koī
ḳhauf rahtā hai vahīñ baat bigaḌ jaane kā

ka.ī sher us kī nigāh se mire ruḳh pe aa ke ġhazal bane
vo nirālā tarz-e-payām thā jo suḳhan kī had se guzar gayā

vo ajiib shaḳhs thā bhiiḌ meñ jo nazar meñ aise utar gayā
jise dekh kar mire hoñT par mirā apnā sher Thahar gayā

kaise hī dard kā sher paḌheñ ve yuuñ bhī na pūchhe kyā bak ga.e
jin ke dil patthar haiñ so kab in bātoñ se pighalte haiñ

kin lafzoñ meñ itnī kaḌvī itnī kasīlī baat likhūñ
sher kī maiñ tahzīb banā huuñ yā apne hālāt likhūñ

nikle haiñ zahr karb meñ bujh kar tamām lafz
gholeñ subū-e-sher meñ ġham kī miThās kyā

sher paḌhte haiñ aap jab 'vāsif'
dāstāñ-go dikhā.ī dete haiñ

'mīrā-jī' ke dohe gaao yā ki 'mīr' ke sher paḌho
dard ke qisse sab ne likhe haiñ apnī apnī bolī meñ

mujh ko marne na diyā sher utāre mujh par
ishq ne bas ye mire saath ri.āyat kī thī

hai ye 'nātiq' jalva-e-husn-e-suḳhan
sher jab likkhe to ik tasvīr khīñch

hasb-e-hāl 'hātim' hai sher-e-'mīrzā-maz.har'
us se phir ziyāda kuchh hai ibārat-ārā.ī

phuul patthar kī chaTānoñ pe khilā.eñ ham bhī
aap kahiye to koī sher sunā.eñ ham bhī

mujh se kis ne ishq kiyā hai kaun mirā mahbūb huā
mere sab afsāne jhūTe saare sher ḳhayālī haiñ

maiñ ne taḳhlīq kiye sher-o-suḳhan ke motī
merī taḳhlīq kā thā kaun sabab yaad nahīñ

ye rañg-e-sher-goī raaz ye tarz-e-ġhazal-ḳhvānī
tirī fitrat haqīqat-āshnā ma.alūm hotī hai

sher kahte haiñ chhoḌ kar sab kaam
yaar sach-much ajiib haiñ ham to

jaise mehmāñ koī aa.e kisī mehmān ke ba.ad
sher maiñ ne bhī kahe haiñ na.e ruj.hān ke ba.ad