Tags-Anjam

umr bhar sahrā-navardī kā huā anjām ye
rafta rafta dil meñ vahshat kā Thikāna ho gayā

anjām-e-justujū pe vahī aa gayā maqām
āġhāz-e-justujū meñ chale the jahāñ se ham

rahe duniyā meñ mahkūm-e-dil-e-be-mudda.ā ho kar
ḳhushā-anjām uTThe bhī to mahrūm-e-duā ho kar

nashāt-e-ārzū kā aur kyā anjām likkhūñgā
use bhī ik-na-ik din hasrat-e-nākām likkhūñgā

kyā dekhiye un tīra-nasīboñ kā ho anjām
din meñ bhī jinheñ raat kā ehsās huā hai

ik circus TeḌhā-meḌhā sā anjām to kyā āġhāz nahīñ
us rīchh ke muñh meñ daañt nahīñ is baaz kī āñkheñ baaz nahīñ

nahīñ ma.alūm ki anjām-e-mohabbat kyā ho
ġham kā ḳhud ġham kī haqīqat ne agar saath diyā

ham to kyā ḳhud use ma.alūm thā anjām apnā
dekhne ke liye kaun us kī tabāhī jaatā

ulfat kā jab kisī ne liyā naam ro paḌe
apnī vafā kā soch ke anjām ro paḌe

yuuñ to har rishte kā anjām yahī hotā hai
phuul khiltā hai

merī āñkhoñ se Dhalakte hue har ashk meñ aaj
aks-e-anjām bhī hai sūrat-e-āġhāz bhī hai

yahī hai anjām zindagī kā lahū meñ Duubā hai dekho sūraj
chamak rahā thā jo āsmāñ par ab us kā saaya bhī Dhal rahā hai

nahīñ afsūñ hī ko afsāne kī manzil ma.alūm
ġhalat āġhāz kā hotā hī hai anjām ġhalat

mujh ko ma.alūm hai anjām-e-mohabbat kyā hai
ek din maut kī ummīd pe jiinā hogā

mire kapḌoñ ko kiiḌe khā ga.e to maiñ ne ye sochā
mire nañge badan kā bhī yahī anjām honā hai

jab bhī sochā sar uThā kar ab jiyeñge kuchh dinoñ
gher letī haiñ hameñ anjām kī sargoshiyāñ

anjām ḳhushī kā duniyā meñ sach kahte ho ġham hotā hai
sābit hai gul aur shabnam se jo hañstā hai vo rotā hai

maiñ bachpan meñ khilaune toḌtā thā
mire anjām kī vo ibtidā thī

chhūTī hai na chūTegī kabhī pyaar kī aadat
maiñ ḳhuub samajhtā huuñ jo anjām hai pyāre

aur ai chashm-e-tarab bāda-e-gulfām abhī
dil hai be-gāna-e-andesha-e-anjām abhī