Tags-Subah

sub.h kā afsāna kah kar shaam se
kheltā huuñ gardish-e-ayyām se

dekh liyā kartā huuñ aksar ye bhī aalam vo bhī manzar
shām-e-furqat sub.h-e-qayāmat kis kī badaulat dil kī badaulat

sub.h hote hī ḳhudā jaane chalā jaa.e kidhar
rāt-bhar shāḳh pe is ġham meñ gul-e-tar jaagā

rāt-bhar chāñdnī Takrā.ī magar
sub.h hote hī khule darvāze

sub.h-e-falak bhī jis kī tajallī se ho ḳhajil
us rashk-e-māhtāb se apnī vo shab hai ab

sub.h khalne kī ho yā shaam bikhar jaane kī
ham ne ḳhushbū hī kiyā apnī pareshānī ko

sub.h jaagā to yaad bhī na rahā
raat thī chāñdnī ki chāñdnī raat

maiñ raat ke ghaaT par utar kar kisī sitāre meñ Duub jaatā
magar mire rū-ba-rū dharā hai ye aa.ina sub.h-e-nīlmīñ kā

har sub.h kī nisbat kisī mazlūm se hogī
āġhāz har ik shab kā sitamgār se hogā

har harf se phūTegī kiran sub.h-e-junūñ kī
har baab raqam jur.at-e-iz.hār se hogā

kin kin musībatoñ se huī sub.h shām-e-hijr
so zulfeñ hī banāte use raat ho ga.ī

jalā.e rakkhūñgī sub.h tak maiñ tumhāre rastoñ meñ apnī āñkheñ
magar kahīñ zabt TuuT jaa.e to bārisheñ bhī shumār karnā

tire hijr meñ mah-e-sīm-bar koī ġhaur se jo kare nazar
mirī sub.h shaam se hai batar mirā roz shab se siyāh hai

dekh us chāk-e-garebāñ ko to ye kahtī hai sub.h
jis kā siina hai ye kuchh us kā shikam kyā hogā

sub.h-e-shādābi-e-jāñ kā kyuuñ hai malāl
ishrat-e-shām-e-ġham kis ke hone se hai

sub.h-dam dekhā to ḳhushkī par taḌaptā thā bahut
ek manzar dīda-e-namnāk se bichhḌā huā

ġhurūb-e-mehr kā mātam hai gulistānoñ meñ
nasīm-e-sub.h bhī shāmil hai nauha-ḳhvānoñ meñ

sannāTe kā aalam qabr meñ hai hai ḳhvāb-e-adam ārām nahīñ
imkān-e-numūd-e-sub.h nahīñ ummīd-e-charāġh-e-shām nahīñ

panja-e-mehr banā shāna-e-mashshāta-e-sub.h
mah-jabīñ tū ne juuñ hī rishta-e-kākul katrā