Tags-Subah

har sub.h kaTī har shaam kaTī bedād sahī uftād sahī
anjām-e-mohabbat jab ye hai is jins kā saudā kaun kare

Thahrī jo vasl kī to huī sub.h shaam se
but mehrbāñ hue to ḳhudā mehrbāñ na thā

sharm-e-īzā se mire dil ko yaqīñ hai ai maut
muñh na dikhlā.egī sub.h-e-shab-e-hijrāñ mujh ko

apnī apnī dhun meñ magan haiñ shāmoñ sub.hoñ ke matvāle
sub.h ke aañsū kaun sukhā.e raat ke gesū kaun sañvāre

jins-e-vafā ke chaav meñ aa.e the sub.h-dam
bolī lagī to ḳhud bhī ḳharīdār bik ga.e

rāt-bhar baiThe rahe muntazarī meñ us kī
sub.h jab ho ga.ī hasrat se bichhaunā ulTā

kyā ye insāf hai ai ḳhāliq-e-sub.h-e-gulshan
koī hañstā hai koī girya-kunāñ hotā hai

sabā ke chheḌ jo ham ne guloñ se sub.h-dam dekhī
to us gul-rū se ham ko chheḌ-ḳhvānī apnī yaad aa.ī

jo dekhā hāl-e-sham.a sub.h ham ne bazm meñ jā kar
to ham ko umr-e-be-hūda gañvānī apnī yaad aa.ī

mile ho sub.h-dam ai yaar koī dam dam lo
tumhāre jaane meñ kyā dam mirā lagā.egā aañT

mai-kashī sub.h-o-shām kartā huuñ
fāqa-mastī mudām kartā huuñ

aadmī na itnā bhī duur ho zamāne se
sub.h ko judā samjhe shaam ke fasāne se

shaam ko sub.h se ta.abīr karo tum lekin
aañkh vaale to sahar hī ko sahar jānte haiñ

payām-e-sub.h-e-masarrat kahāñ muqaddar meñ
kisī tarah jo shab-e-ġham guzār bhī deñge

nafrat huī do-rañgī-e-lail-o-nahār se
maiñ sub.h o shaam us ko lab-e-bām le gayā

kisī sub.h ḳhvāhish-e-marg se bhī numūd paatī hai zindagī
kisī shaam apne vajūd par bhī gumān hotā hai qabr kā

mirī sub.h-e-ḳhvāb ke shahr par yahī ik javāz hai jabr kā
ki mire vajūd ke baaġh meñ abhī koī phuul hai sabr kā

ye savād-e-nāma hai yā surma-e-tasḳhīr hai
hai bayāz-e-saf.ha yā hai nuur sub.h-e-īd kā

farsh gul par ba-vaqt-e-sub.h-e-nasīm
aa ke miltī hai bā-vazū ham se

Thahrī jo vasl kī to huī sub.h shaam se
but mehrbāñ hue to ḳhudā mehrbāñ na thā