Tags-Tamanna

dil ye kahtā hai ki hāsil kī hai tahsīl abas
na tamannā koī shai hai na tamannā.ī hai

kuchh ehtirām bhī kar ġham kī vaz.a-dārī kā
girāñ hai arz-e-tamannā to baar baar na kar

dil-e-āzāda-rau meñ vo tamannā thī bayābāñ kī
qadam rakhte hī shaq hone lagī dīvār zindāñ kī

kyā batā.ūñ ki azal se hai tamannā jis kī
us ne kis kis kā talabgār kiyā hai mujh ko

sharār-e-jāñ se guzar gardish-e-lahū meñ aa
ab ai nigār-e-tamannā mire subū meñ aa

vo mujhe soz-e-tamannā kī tapish samjhā gayā
mom kā paikar samajh kar dhuup meñ Thahrā gayā

un ko paane kī tamannā nahīñ jaatī dil se
kyā munavvar haiñ sitāre mirī tābānī se

kuchh bhī ho ek tamannā to bañdhī rahtī hai
tujh se sau darja tire milne kī hasrat achchhī

ye jo terī āñkhoñ meñ ma.anī-e-vafā sā hai
kāsa-e-tamannā ke harf-e-mudda.ā sā hai

haath se zulf vo suljhā.eñ to ho jā.ūñ nihāl
dekh luuñ naḳhl-e-tamannā ke samar aaj kī raat

is qadar zo.af thā ki terā naaz
thī tamannā magar uThā na sakā

jitnā ujḌā hai koī shahr-e-tamannā ai dil
kabhī lagtā hī thā itnā basāyā bhī huā

ḳhudā jaane aapas meñ kyā pesh aa.e ye tāḳhīr-o-tājīl kyā rañg laa.e
hamārā irāda ki fauran na deñ dil tumhārī tamannā ki mil jaa.e jhaT-paT

bayān-e-tamannā sunā aur sun kar baḌī der se ġhaur farmā rahe haiñ
na ā.eñge yā mere ghar aa ga.e vo jo honā ho irshād ho jaa.e jhaT-paT

husn-e-be-parvā ko ḳhud-bīn o ḳhud-ārā kar diyā
kyā kiyā maiñ ne ki iz.hār-e-tamannā kar diyā

tark-e-sitam pe vo jo qasam khā ke rah ga.e
armān dil meñ arz-e-tamannā ke rah ga.e

nigah-e-lutf se na dekh hameñ
phir tamannā javāñ na ho jaa.e

niklā hai dam 'ravāñ' kā tamannā ke saath saath
allāh-re zor nāla-e-be-iḳhteyār kā

na dekhā tire daur meñ ai falak
nihāl-e-tamannā ko phalte hue