Tags-Tanhai

tanhā.ī kī ye kaun sī manzil hai rafīqo
tā-hadd-e-nazar ek bayābān sā kyuuñ hai

phir koī mahshar uThāne merī tanhā.ī meñ aa
apne hone kī ḳhabar le kar kabhī bastī meñ aa

ġham-zada raat kī tanhā.ī meñ
ye udaas aur fasurda bargad

maiñ apne hisse kī tanhā.ī mahfil se nikālūñgā
jo lā-hāsil zarūrī hai to hāsil se nikālūñgā

haa.e vo reñgtī tanhā.ī jab
apnī hī zaat se dil Dartā hai

baiTh ke tanhā.ī meñ aap apne se
koī purānā rishta DhūñDh rahā huuñ

band kamre meñ hai tanhā.ī kahāñ tak merī
khiḌkiyāñ khol ke dekhā bhī to jā saktā

mujh ko tanhā.ī meñ bhī ehsās-e-tanhā.ī na thā
har galī meñ gardish-e-hālāt mere saath thī

apnī apnī zaat meñ gum haiñ ahl-e-dil bhī ahl-e-nazar bhī
mahfil meñ dil kyūñkar bahle mahfil meñ tanhā.ī bahut hai

shab-e-firāq kī tanhā.ī meñ thā kaun aniis
ḳhayāl-e-yār hī ik apnā ġham-gusār rahā

ye namī āñkhoñ kī siine kī jalan jaatī nahīñ
terī mahfil meñ bhī tanhā.ī se ghabrāte haiñ ham

qatl hone se bachā chāhtī hai
merī tanhā.ī duā chāhtī hai

merī tanhā.ī kī pagDanDī par
mere ham-rāh ḳhudā rahtā hai

mirī tanhā.ī kā aalam to dekho
zamāne bhar ko yakjā kar liyā hai

tanhā.ī ko kaise chhoḌūñ
barsoñ meñ ik yaar milā hai

kitnī āñkhoñ ke ta.āqub se hirāmāñ ho kar
kunj-e-tanhā.ī meñ ābād huā āvāra

kaaT ga.ī kohre kī chādar sard havā kī tezī maap
ukḌūñ baiThā is vaadī kī tanhā.ī meñ thar-thar kaañp

har kitāb-e-sohbat-e-rañgīñ ke ma.anī dekh kar
fard-e-tanhā.ī ke mazmūñ kuuñ kiyā huuñ intiḳhāb

tanhā.ī ke aalam meñ aksar dil us se bahaltā hai 'shevan'
tārīki-e-shām-e-hijrāñ meñ ġham kī bhī zarūrat hotī hai