Tags-Tanhai

merī tanhā.ī ke darvāze par
jaane kyuuñ bhiiḌ lagī rahtī hai

aarzū Tiis karb tanhā.ī
ḳhud meñ kitnā simaT gayā huuñ maiñ

jaate jaate tanhā.ī kā ġham dene vo aa.e the
tum hī bolo kyā ye un kī ulfat kī sauġhāt huī

hai faqat aaj dil meñ tanhā.ī
kal talak be-hisāb thā koī

mirī ḳhalvat meñ lākhoñ ārzūeñ jalva-farmā haiñ
kahīñ mahfil se baḌh kar hai mirī ai 'barq' tanhā.ī

bazm-e-tanhā.ī meñ aks-e-sho.ala-paikar thā koī
yā hamāre sāmne yādoñ kā lashkar thā koī

ab hai tanhā.ī-e-dasht-e-furqat
raunaq-e-kū-e-jafā se guzre

ik safīna hai tirī yaad agar
ik samundar hai mirī tanhā.ī

vaqt kī chaap se gūñjī hai mirī tanhā.ī
vaqt kī chaap ko ab aur garāñ kaun kare

ġhairoñ se vo milte rahte haiñ ḳhud jā jā kar tanhā.ī meñ
merā kyā hai zikr bhalā mire saa.e se bhī sharmāte haiñ

tuḳhm-e-tanhā.ī mohabbat
kisht-e-dil meñ bo rahī hai

apnī tanhā.ī meñ itnā bhī ḳhalal achchhā nahīñ
aap apne aap se guftār kam kar dījiye

mujh ko tanhā.ī meñ sunñā baiTh kar
mutrib-e-lamhāt-e-vajdānī huuñ maiñ

mujh ko tanhā.ī se raġhbat tujhe hañgāmoñ se pyaar
zulmat-e-shab hai mirī nūr-e-sahar terā hai

tanhā.ī kī raat
garmī

mūnis-e-tanhā.ī jab hotā nahīñ hai ham-ḳhayāl
ghar meñ bhī jhanjhaT huā kartā hai bāhar kī tarah

agar bujhne lageñ ham to havā-e-shām-e-tanhā.ī
kisī mehrāb meñ jā kar hameñ dobāra rakhtī hai

kaisī sohbat hai kaisī tanhā.ī
ham haiñ ik dūsre kī tanhā.ī

maiñ ne samjhī zabāñ ḳhamoshī kī
aisī majlis se achchhī tanhā.ī

jab ḳhudā bhī nahīñ thā saath mare
mujh pe biitī hai aisī tanhā.ī