Collections

Lab Shayari

Motivational Ghazals

Best Khamoshi Shayari

More Collections

Tags-Tasweer

tasvīr meñ jo qaid thā vo shaḳhs raat ko
ḳhud hī frame toḌ ke pahlū meñ aa gayā

soe hue palang ke sae jaga gaya

ghar kiyā hai ai sanam us meñ tirī tasvīr ne
band honā ġhair-mumkin dīda-e-dīdār kā

ai sanam talib nahin wo KHuld se gulzar ka

is tarah husn-o-mohabbat kī karo tum tafsīr
mujh ko ā.īna kaho aur unheñ tasvīr kaho

is tarah husn-o-mohabbat ki karo tum tafsir

purānī dekh kar tasvīr terī
nayā har din guzartā jā rahā hai

purani dekh kar taswir teri

maiñ bhī is safha-e-hastī pe ubhar saktā huuñ
rañg to tum mirī tasvīr meñ bhar kar dekho

main bhi is safha-e-hasti pe ubhar sakta hun

shanāsā ḳhauf kī tasvīr hai us kī bayāzoñ meñ
mirī beTī hasīñ pinjre meñ ik chiḌiyā banātī hai

siyasat jab zarurat ho naya rishta banati hai

an-ginat saa.e tirī tasvīr meñ Dhalte ga.e
chāñdnī jaagī to har chehra tirā chehra lagā

sham ke sahil pe suraj ka safina aa laga

guzarte lamhoñ se naqsh kyā apne apne pūchheñ
in ā.inoñ meñ har ek tasvīr ek jaisī

juda juda sab ke KHwab tabir ek jaisi

charḳhe ko kāt.te hue āḳhir girah khulī
tasvīr jo banī thī mujhe yaad aa ga.ī

kis samt muD gai thi mujhe yaad aa gai

tirī tasvīr bhī hai bā.is-e-dil-bastagī lekin
use taskīn kyā ho jo tirī bātoñ pe martā ho

bataun kya kisi ko main ki tum kya chiz ho kya ho

aatī jaatī huī sāñsoñ pe lakīreñ mat khīñch
merī tasvīr mujhe paas biThā kar na banā

apna shahkar abhi ai mere but-gar na bana

tujh ko takte hī rahe raat bahut der talak
chāñd ke taaq meñ tasvīr sajā ke rakh lī

apni aankhon ko aqidat se laga ke rakh li

ham jo dīvār pe tasvīr banāne lag jaa.eñ
titliyāñ aa ke tire rañg churāne lag jaa.eñ

hum jo diwar pe taswir banane lag jaen

rañg bhar kar tirī tasvīr meñ jazb-e-ġham kā
apnī tasvīr banā dī tire saudā.ī ne

husn ke jalwe luTae teri ranai ne

jalva na ho ma.anī kā to sūrat kā asar kyā
bulbul gul-e-tasvīr kā shaidā nahīñ hotā

ghamza nahin hota ki ishaara nahin hota

arsa-e-hashr kī tasvīr ajab hai 'amjad'
be-karāñ bhiiḌ hai aur bhiiḌ meñ tanhā sab haiñ

koi do-chaar nahin mahw-e-tamasha sab hain

terī tasvīr nā-mukammal hai
maiñ abhī is meñ rañg bhar rahā huuñ

waqt sakin hai main guzar raha hun

din-rāt tasavvur meñ tasvīr tumhārī hai
is paar kī duniyā meñ us paar kī bāteñ haiñ

is bazm-e-tasawwur mein bas yar ki baaten hain

uḌtā hai us havā se ba-qadr-e-nafas jo hai
tasvīr meñ vo rañg bharā hai ki haa.e haa.e

khoTa to kya wo naqd khara hai ki hae hae

tasvīr ko tasvīr dikhā.ī nahīñ jaatī
is ā.ina-ḳhāne meñ nazar dañg nahīñ kyā

is kar-e-gah-e-rang mein hum tang nahin kya