Tags-Tasweer

ek duniyā dard kī tasvīr niklī ishq ko
koh-kan aur qais kā qissa samajh baiThe the ham

dekh Tuk ġhaur se ā.īna-e-dil ko mere
is meñ aatā hai nazar ālam-e-tasvīr na toḌ

kab aañkh jhapak jaa.e tasvīr badal jaa.e
har lamha subuk-rau hai har jalva tunuk-ḳhū hai

tumhāre zulf kī tasvīr kyā kare sairāb
ḳhatā muaaf ho ham tishna-e-sarāb nahīñ

merā har sher haqīqat kī hai zinda tasvīr
apne ash.ār meñ qissa nahīñ likhkhā maiñ ne

terī tasvīr ho ki teġh tirī
ham se har-dam khiñchī sī rahtī hai

ḳhayāl o shauq ko jab ham tirī tasvīr karte haiñ
to dil ko ā.īna aur aañkh ko tanvīr karte haiñ

jiine meñ āsānī rakh
ik tasvīr purānī rakh

itnī to dīd-e-ishq kī tāsīr dekhiye
jis samt dekhiye tirī tasvīr dekhiye

jaise tasvīr laTkī ho dīvār se
haal ye ho gayā sochte sochte

tirī tasvīr se rahmat barastī hai gurū-nānak
kare tārīf terī kis kī hastī hai gurū-nānak

kabhī vo tasvīr ban ke dekhe kabhī vo tahrīr ban ke bole
vo pal meñ gum-sum vo pal meñ hairāñ kisī musavvir ke ḳhvāb jaisā

ye ishq kī me.arāj hai yā un kā karam hai
har vaqt mire sāmne tasvīr-e-sanam hai

us ne tasvīr ko tasvīr kiyā aur le lī
selfī ek ek mire saath mire lafzoñ kī

fasurda-dil hai nazroñ kī pareshānī nahīñ jaatī
ki ab tasvīr merī mujh se pahchānī nahīñ jaatī

koī ḳhāka mirī tasvīr kā khīñche to sahī
khiñch bhī jaa.e koī naqsha to miTā.e na bane

fankār kī muñh boltī tasvīr hai fan bhī
tum kyā ho batā dete haiñ ash.ār ġhazal ke

paḌī rahe tirī tasvīr sāmne yūñhī
ye zar khilā rahe āñkhoñ ke paas āñkhoñ kā

ai mere musavvir nahīñ ye maiñ to nahīñ huuñ
ye tū ne banā Daalī hai tasvīr koī aur

jab tirī yādoñ ne mujh ko niim pāgal kar diyā
maiñ tirī tasvīr se hī guftugū kartī rahī