Tags-Tasweer

ham bhī tasvīr se nikal aa.e
us ne bhī bāzūoñ ko vā rakkhā

jiinā hai sab ko maut hai tasvīr kī tarah
naqshe jame hue haiñ na hone ke vāste

donoñ jānib hai barābar tirī tasvīr kā ruḳh
ā.īna merī tarah dañg nazar aatā hai

mirī ġhazal se banā zehn meñ koī tasvīr
sabab na pūchh mire devdās hone kā

koī maqtal ko gayā thā muddatoñ pahle magar
hai dar-e-ḳhema pe ab tak sūrat-e-tasvīr kaun

jahān-e-zindagī kī qudratī tasvīr haiñ donoñ
kahīñ sūkhā paḌā hai aur kahīñ bārish barastī hai

dhuup chamkī raat kī tasvīr piilī ho ga.ī
din gayā aur sard tārīkī nukīlī ho ga.ī

jab nahīñ miltā anīs-e-ġham-e-furqat koī
rakh ke tasvīr tirī sāmne ro letā huuñ

ek tasvīr āñkhoñ meñ aatī huī ek jaatī huī
phir vahī shaam hai phir vahī yaad hai dil dukhātī huī

iklautī jāgīr ko takte takte thak kar so jaate haiñ
ham terī tasvīr ko takte takte thak kar so jaate haiñ

mahv ho jaa.e mire zehn se bhī us kī shabīh
us kī tasvīr haTānā bhī zarūrī Thahrā

yūñhī takmīl hogī hashr tak tasvīr-e-hastī kī
har ik takmīl āḳhir meñ payām-e-nestī bhī hai

dekhne vaalī agar aañkh ko pahchān sakeñ
rañg ḳhud parda-e-tasvīr se bāhar ho jaa.eñ

ham banā.eñge yahāñ 'saġhar' na.ī tasvīr-e-shauq
ham taḳhayyul ke mujaddid ham tasavvur ke imaam

be-asar be-samar tirā milnā
sirf tasvīr-bhar tirā milnā

kaale kaale vo gesū shikan-dar-shikan, vo tabassum kā aalam chaman-dar-chaman
khīñch lī un kī tasvīr dil ne mire, ab vo dāman bachā kar kidhar jā.eñge

sab dekhtā huuñ boltā lekin maiñ kuchh nahīñ
tasvīr jaise merī paḌī hai mirī jagah

tasvīr meñ to apnī jagah par hai maiñ nahīñ
ik ajnabī sī shakl khaḌī hai mirī jagah

tirī aañkh bhar jis ne tasvīr dekhī
vo tasvīr sā naqsh-e-dīvār dekhā

kisī sūrat alag hone na paa.ī
tirī tasvīr merī shā.erī se