Collections

Lab Shayari

Motivational Ghazals

Best Khamoshi Shayari

More Collections

Tags-Tasweer

phūñk de barq-e-tapāñ merā qafas bhī phūñk de
āshiyāñ kī bhī to ik bigḌī huī tasvīr hai

wajh-e-qadr-o-qimat-e-dil husn ki tanwir hai

kitnī dil-kash haiñ tirī tasvīr kī ra.anā.iyāñ
lekin ai parda-nashīñ tasvīr phir tasvīr hai

wajh-e-qadr-o-qimat-e-dil husn ki tanwir hai

kuchh tabassum zer-e-lab par sharm dāman-gīr hai
uf ye kis aalam meñ khiñchvā.ī huī tasvīr hai

wajh-e-qadr-o-qimat-e-dil husn ki tanwir hai

ham is ḳhātir tirī tasvīr kā hissa nahīñ the
tire manzar meñ aa jaa.e na vīrānī hamārī

hum is KHatir teri taswir ka hissa nahin the

ek sūrat nazar aa.ī thī abhī
dil ne tasvīr banā.ī thī abhī

ek surat nazar aai thi abhi

phir ruuh ke kāġhaz pe khiñchī hai koī tasvīr
hai vahm ki ye shakl kahīñ dekhī huī hai

KHwahish mein sukun ki wahi shorish-talbi hai

tasvīr meñ āñkheñ haiñ ki āñkhoñ meñ hai tasvīr
ojhal ho nigāhoñ se to bas dil pe banī hai

KHwahish mein sukun ki wahi shorish-talbi hai

rañgoñ kā tāl-mel bahut ḳhuub thā magar
phir bhī koī kamī tirī tasvīr meñ rahī

ek gardish-e-mudam bhi taqdir mein rahi

khiñch sake hargiz musavvir se na timsāl-e-adam
dekh lo tasvīr-e-jānāñ tā-kamar shīshe meñ hai

dekh lo tum KHu-e-atish ai qamar shishe mein hai

maiñ laakh ise taaza rakhūñ dil ke lahū se
lekin tirī tasvīr ḳhayālī hī rahegī

mauzu-e-suKHan himmat-e-ali hi rahegi

nairañgī-e-hairat se ravāñ rahte haiñ aañsū
tasvīr kā dariyā hameñ bahtā nazar aayā

aks-e-ruKH-e-gulgun se tamasha nazar aaya

ek ruḳh par thiiñ bahāreñ ek ruḳh be-rañg-o-nūr
aur merī samt thā be-rañg ruḳh tasvīr kā

ban gaya tadbir se har rasta taqdir ka

dard ke baab meñ timsāl-garī hai ḳhāmosh
ban bhī jaatī hai to tasvīr kahāñ boltī hai

zer-e-mehrab na baala-e-makan bolti hai

shahr vaale to havāoñ meñ ghule zahr kā haal
rañg tasvīr se uḌ jaate haiñ tab jānte haiñ

lafz ka kitna taqaddus hai ye kab jaante hain

ġhaur se dekhte rahne kī sazā paa.ī hai
terī tasvīr in āñkhoñ meñ utar aa.ī hai

ghaur se dekhte rahne ki saza pai hai

ahd-e-gum-gashta kī tasvīr dikhātī kyuuñ ho
ek āvāra-e-manzil ko satātī kyuuñ ho

yaksui

aks gulshan pe bahāroñ kā paḌā thā lekin
khiñch ga.ī phuul pe tasvīr bayābānoñ kī

ku-e-jaanan mein ada dekhiye diwanon ki

merī ḳhalvat meñ jahāñ gard jamī paa.ī ga.ī
uñgliyoñ se tirī tasvīr banī paa.ī ga.ī

meri KHalwat mein jahan gard jami pai gai

miT ke tasvīr-e-ḳharābāt hai ab to varna
ka.aba kahte the sab aisā thā sanam-ḳhāna-e-dil

jal gaya KHak hua kab ka wo parwana-e-dil

kahāñ tū khīñch laayā ai mazāq-e-āshiqī mujh ko
jahāñ mujh se mirī tasvīr pahchānī nahīñ jaatī

mere jazbaat-e-rangin ki farawani nahin jati