Collections

Lab Shayari

Motivational Ghazals

Best Khamoshi Shayari

More Collections

Tags-Tasweer

faroġh-e-husn hai yā merī nazroñ kī ye ḳhāmī hai
ba-har-sūrat tirī tasvīr pahchānī nahīñ jaatī

mere jazbaat-e-rangin ki farawani nahin jati

jab kabhī tujh ko pukārā mirī tanhā.ī ne
bū uḌī phuul se tasvīr se saayā niklā

kya bhala mujhko parakhne ka natija nikla

jab bhī dekhī hai kisī chehre pe ik taaza bahār
dekh kar maiñ tirī tasvīr purānī royā

chheD kar tazkira-e-daur-e-jawani roya

miltī hai ḳhushī sab ko jaise hī kahīñ se bhī
bhūlī hui bachpan kī tasvīr nikaltī hai

KHamosh zaban se jab taqrir nikalti hai

ashkoñ kī būñdā-bāndī meñ qaus-e-quzah ke rañgoñ se
ik aisī tasvīr banī hai saarī duniyā hai hairān

tanhai tamir karegi ghar se behtar ek zindan

bachī hai jo dhanak us kā karūñ kyā
tirī tasvīr puurī ho ga.ī hai

hawa ke sath yari ho gai hai

jo tark-e-talab se pahle thā dil kā vahī aalam aaj bhī hai
ā.īna nahīñ badlā jaatā tasvīr badaltī rahtī hai

barson jo nazar tufanon ke aaghosh mein palti rahti hai

lafz rañgoñ meñ nahā.e hue ghar meñ aa.e
terī āvāz kī tasvīr meñ masrūf thā maiñ

lafz rangon mein nahae hue ghar mein aae

dohrā rahā huuñ baat purānī kahī huī
tasvīr tere ghar meñ thī merī lagī huī

dohra raha hun baat purani kahi hui

naqsh fariyādī hai kis kī shoḳhi-e-tahrīr kā
kāġhzī hai pairahan har paikar-e-tasvīr kā

naqsh fariyaadi hai kis ki shoKHi-e-tahrir ka

tasvīr khīñch lī hai tire shoḳh husn kī
merī nazar ne aaj ḳhatā ke maqām se

sharma ke yun na dekh ada ke maqam se

chakkar havā ne itne diye haiñ ki gard-e-bād
tasvīr ban gayā hai mire pech-o-tāb kī

ye sar-ba-mohr botalen hain jo sharab ki

paak sīrat haiñ bahut nuur kā paikar haiñ vo
zehn meñ husn kī tasvīr banā lī jaa.e

dil ke aangan mein jo diwar uTha li jae

tasvīr hai khiñchī huī nāz-o-niyāz kī
maiñ sar jhukā.e aur vo ḳhanjar liye hue

asrar-e-ishq hai dil-e-muztar liye hue

hai yaqīñ bāham gale milne ko uTTheñ dast-e-shauq
ho agar tasvīr bhī yakjā hamārī aap kī

bagh mein phulon ko raund aai sawari aap ki

tasvīr kī ragoñ meñ lahū dauḌne lagā
kyā aa gayā jahān meñ mausam bahār kā

gardish mein aaina ho na kyun rozgar ka

adhūrī chhoḌ ke tasvīr mar gayā vo 'zeb'
koī bhī rañg mayassar na thā lahū ke sivā

adhuri chhoD ke taswir mar gaya wo zeb

abhī dikhāo na tasvīr-e-zindagī is ko
ye bachpanā hai abhī muskurānā chāhtā hai

abhi dikhao na taswir-e-zindagi isko

maiñ kyā kahūñ us naġhma-e-mastūr kī tasvīr
āvāz se khīñchī hai tirī nuur kī tasvīr

main kya kahun us naghma-e-mastur ki taswir

yuuñ samā.ī hai in āñkhoñ meñ batā bhī na sakūñ
dil kī dīvār pe tasvīr sajā bhī na sakūñ

dard itna bhi nahin hai ki chhupa bhi na sakun