Collections

Lab Shayari

Motivational Ghazals

Best Khamoshi Shayari

More Collections

Tags-Tasweer

us kī album meñ to tasvīr mirī hai maujūd
us ne tasvīr ko siine se lagāyā na kabhī

uski album mein to taswir meri hai maujud

arsa-e-rafta pe nazreñ paḌ rahī haiñ vahm kī
ḳhvāb kī tasvīr hai yā zindagī kī shaam hai

jis ko kahte hain qaza ya maut jis ka nam hai

unheñ bhī dekh kabhī ai nigār-e-shām-e-bahār
jo ek rañg se tasvīr-e-jāñ banāte haiñ

ye hum ghazal mein jo harf-o-bayan banate hain

jū-e-naġhmāt pe tasvīr sī larzāñ dekhī
lab-e-tasvīr pe Thahrā huā naġhma dekhā

ju-e-naghmat pe taswir si larzan dekhi

na ḳhūb-rū tujhe kah sakte haiñ na mahr na maah
ajab gaḌhī yad-e-qudrat ne kuchh tirī tasvīr

kiya hai tu ne to jaan-e-jahan jahan tasKHir

bevafā lauT ke aa dekh mirā jazba-e-ishq
āñsuoñ se tirī tasvīr banā laayā huuñ

apne dukh-dard ka afsana bana laya hun

raat majlis meñ tirī ham bhī khaḌe the chupke
jaise tasvīr lagā de koī dīvār ke saath

kya muafiq ho dawa ishq ke bimar ke sath

maiñ zamāne meñ huuñ ā.īna-e-tasvīr 'jalīl'
ki tasavvur se kabhī yaar kī sūrat na ga.ī

husn ki lai hui ek bhi aafat na gai

ek hijrat hai ki tasvīr huī jaatī hai
ek qissa hai sū-e-bāġh-e-adan khīñchtā hai

jaise pardes mein raaton ko watan khinchta hai

jalva na ho ma.anī kā to sūrat kā asar kyā
bulbul gul-e-tasvīr kā shaidā nahīñ hotā

jalwa na ho mani ka to surat ka asar kya

kyā sukūn-e-kaif de rañgīn māhaul-e-qafas
har ghaḌī pesh-e-nazar tasvīr kāshāne kī hai

ishq ki manzil mein ab tak rasm mar jaane ki hai

musavviroñ ko hai zom-e-musavvirī lekin
maiñ apnī ziist ko tasvīr kartā rahtā huuñ

waraq waraq tujhe tahrir karta rahta hun

shaiḳh kyā va.az sunātā hai dikhāne ke liye
dil meñ tasvīr-e-sanam hai tirā īmāñ na rahā

Khaali aashiq se kabhi kucha-e-jaanan na raha

be-ḳhabar oT se tū jhāñk rahā ho ham ko
aur ham chupke se tasvīr banā leñ terī

dil dhaDakta hai to aati hain sadaen teri

jaan jaa.e agar to jaane de
apnī tasvīr to banāne de

jaan jae agar to jaane de

tañg sahrā nazar aayā hai jo phailā huuñ maiñ
ho ga.ī hai mirī tasvīr jo simTā huuñ maiñ

dasht-dar-dasht phira karta hun pyasa hun main

zinda rahne meñ huuñ shāmil aur na mar jaane meñ huuñ
sūrat-e-tasvīr meñ bhī ā.ina-ḳhāne meñ huuñ

zinda rahne mein hun shamil aur na mar jaane mein hun

jab tak na bhare rañg vafā mānī-e-fitrat
tasvīr-e-mohabbat kabhī kāmil nahīñ hotī

taufiq agar rahbar-e-manzil nahin hoti

is jagah be-rañgiyāñ bhī ālam-e-tasvīr haiñ
is jagah tārīkiyāñ bhī sham.a kī tanvīr haiñ

shahid-e-watan

muntazir kab se tahayyur hai tirī taqrīr kā
baat kar tujh par gumāñ hone lagā tasvīr kā

muntazir kab se tahayyur hai teri taqrir ka