Tags-Tauba

sameTā zindagī bhar kaalī gorī jeb kī raunaq
Dhalā jab umr kā sūraj to tauba kar liyā tum ne

vo sar aur ġhair ke dar par jhuke tauba ma.āz-allāh
ki jis sar kī rasā.ī tere sañg-e-āstāñ tak hai

is qadar rañj-o-alam itne masā.ib tauba
zindagī silsila-e-āh-o-bukā hai kyā hai

zideñ tauba tauba haTeñ allāh allāh
hamīñ haiñ jo is dil ko bahlā rahe haiñ

mirā dard jā hī nahīñ saktā tauba
ḳhudā.ī ke da.ave kiye jā rahe haiñ

yaad aa.ī bahut ham ko TuuTī huī tauba bhī
dekhā jo kahīñ ham ne TuuTā huā paimāna

un kī fasta.ī tabī.at meñ hai qatl-o-ġhārat
kyuuñ kareñge vo bhalā zulm-o-jafā se tauba

apnā ghar ban gayā maqtal magar ham ahl-e-yaqīñ
nahīñ karte haiñ ġham-e-hosh-rubā se tauba

raat tārīk hai bechainī baḌhī jaatī hai
jis kā ulTā ho asar aisī duā se tauba

us ne to chiir diyā ahl-e-chaman ke dil ko
ab ke bal khaa.ī huī bād-e-sabā se tauba

va.ada-e-ulfat-o-paimān-e-vafā se tauba
tajraba kahtā hai us husn-e-adā se tauba

chashm-e-sāqī kī qasam thā ye bahāna varna
kahīñ karte haiñ mai-o-jām ke pyāse tauba

bijlī chamke to bahāne se lipaT jaate haiñ
phir vo kahte haiñ baḌī sharm-o-hayā se tauba

kuchh aisī tauba-shikan har ik baat us but-e-lā-javāb kī hai
hai gesuoñ meñ ghaTā kā aalam nazar meñ mastī sharāb kī hai

'riyāz' tauba na TuuTe na mai-kada chhūTe
zabāñ kā paas rahe vaz.a kā nibāh rahe

kyā kahā taḳhliya are tauba
koī sultān to nahīñ ho tum

hamīñ se tazkira-e-qahat-e-āshiqāñ tauba
hamīñ to kal tire kūche se yaar guzre haiñ

mai se tauba us ghaTā meñ mohtasib
kyuuñ farishta ban ke har insāñ rahe

ye pher mohabbat ke tauba ā.īn-e-jafā bhī aam nahīñ
qātil kī chhurī par ḳhuuñ to hai qātil pe magar ilzām nahīñ

ham ne kī hai tauba aur dhūmeñ machātī hai bahār
haa.e bas chaltā nahīñ kyā muft jaatī hai bahār