Tags-Awaz

koī āvāz na koī larzish
az ufuq-tā-ba-ufuq ālam-e-hū

terī āvāz kalīd-e-chamanastīñ hai magar
sīna-e-nai meñ gudāz-e-gul-e-tar hai ki nahīñ

kis kī āvāz meñ hai TūTte pattoñ kī sadā
kaun is rut meñ hai be-vaj.h sisakne vaalā

farq jo kuchh hai vo mutrib meñ hai aur saaz meñ hai
varna naġhma vahī har parda-e-āvāz meñ hai

kis ke naġhme gūñjte haiñ zindagī ke saaz meñ
ik na.ī āvāz shāmil hai mirī āvāz meñ

laakh phūloñ pe pahre biThāte raheñ laakh ūñchī fasīleñ uThāte raheñ
jā.egī sū-e-gulzār jab bhī sabā apnī āvāz-e-zanjīr-e-pā jā.egī

aaj kyā phir kisī āvāz ne bai.at māñgī
ye mirī ḳhāmushī jo paañv paTaktī huī aa.ī

merā kyā maqdūr jo maiñ dar tak aatā aap ke
vo raqīboñ kī ajī āvāz-e-pā thī maiñ na thā

ḳhāmushī chheḌ rahī hai koī nauha apnā
TūTtā jaatā hai āvāz se rishta apnā

ik sach kī āvāz meñ haiñ jiine ke hazār āhañg
lashkar kī kasrat pe na jaanā bai.at mat karnā

ehtirām-e-ishq kī rau dil-nashīñ āvāz meñ
ek phīke-pan kā sannāTā dayār-e-nāz meñ

kaan paḌtī nahīñ āvāz koī
dil meñ vo shor bapā hai apnā

ye āvāz jaadū jagātī rahegī
ye manzil yūñhī giit gaatī rahegī

vo āvāz to aa rahī hai musalsal
magar arsh kī rif.atoñ se utar kar

bahut duur se ek āvāz aa.ī

sho.aloñ kī guftugū meñ sabā ke ḳhirām meñ
āvāz de rahā hai koī ham-safar mujhe

zor se saañs jo letā huuñ to akasr shab-e-ġham
dil kī āvāz ajab dard bharī aatī hai

apnī pahchān agar tum ko hai karnī qaa.em
sab kī āvāz meñ āvāz milāyā na karo

boltī aañkh meñ billor kī ruuh
sañg-e-āvāz uThātā kyā hai

maiñ chup rahā to aañkh se aañsū ubal paḌe
jab bolne lagā mirī āvāz phaT ga.ī