Tags-Awaz

is paar maiñ huuñ aur ye TuuTī huī sī naav
āvāz de rahā hai jo us paar kaun hai

āvāz na do 'shams' ko taḌpegā bichāra
āzād to ho jaa.e zarā band-e-alam se

sunā.ī detī hai har pal mujhe tirī āvāz
dikhā.ī kyuuñ nahīñ dete magar, kahāñ ho tum?

asar kyā ḳhaak ho merī fuġhāñ kā us pe ai 'hāfiz'
mirī āvāz tak us ghar meñ pahchānī nahīñ jaatī

āvāz de rahā hai akelā ḳhudā mujhe
maiñ us ko sun rahā huuñ havāoñ ke kaan se

shāyad mirī talāsh kā maqsad hī thā ġhalat
āvāz dī ḳhirad ko to dīvāngī milī

mujhe shāyad himāla kī falak-paimā.iyāñ āvāz detī haiñ
maiñ apnī maut se

ik āvāz ke aate hī mar jā.ūñgā
ik āvāz ke sunñe ko zinda huuñ maiñ

merī āvāz kī talḳhī ko gavāra kar le
mere gustāḳh savāloñ se pareshān na ho

mere har sajde se labbaik kī āvāz aa.ī
āstāñ bhī to mire nazd-e-jabīñ aa pahūñchā

maiñ apnī āvāz ke ta.āqub meñ māvarā-e-nazar bhī pahuñchā
magar palaT kar na us ne pūchhā ki maiñ ḳhalā ke bahut qarīñ thā

murta.ish āvāz kī lahreñ raheñgī der tak
saaz chup ho jā.eñge sail-e-sadā rah jā.egā

koī paiġhām nahīñ jis kī tavaqqo.a ho mujhe
kis liye gosh-bar-āvāz huuñ ma.alūm nahīñ

tum rañg meñ dekho to huuñ murjhāyā huā phuul
āvāz meñ maiñ TūTte shīshe kī sadā huuñ

kuchh is qadar bhī zamāne meñ qaht-e-harf na thā
vo āshnā thā to āvāz-e-āshnā suntā

kavve ne koyal kā gaanā
jab apnī āvāz meñ gaayā

mushtāq huuñ tujh lab kī fasāhat kā va-lekin
'rāñjhā' ke nasīboñ meñ kahāñ 'hīr' kī āvāz

yā kisī dard meñ Duubī huī āvāz-e-nahīf
yā koī chīḳh sunī ho to ġhazal hotī hai

sannāTe uḌā dete haiñ āvāz ke purze
bāroñ ko agar dasht-e-musībat meñ pukārūñ

tumheñ āvāz detā huuñ chale aao jahāñ ho tum
tumhāre hijr meñ ab ratjage achchhe nahīñ lagte