Tags-Awaz

aa jaa.e zarā sīna-e-āfāq meñ garmī
ho jaa.e zarā sho.ala-zan āvāz-e-mohabbat

ma.amūr haiñ āvāz-e-mohabbat se fazā.eñ
mastūr hai go sāhib-e-āvāz-e-mohabbat

har-chand ki har bazm meñ Thukrā.ī ga.ī hai
āvāz-e-mohabbat hai phir āvāza-e-mohabbat

is daur-e-tag-o-dau meñ vafā kaun sunegā
kitnī hī dil-āvez ho āvāz-e-mohabbat

ik dard mohabbat hai mirī har rag-o-pai meñ
har saañs hai ab merā ik āvāz-e-mohabbat

jis shaḳhs ke siine meñ hai dil kī jagah patthar
samjhegā vo kyā ma.anī-e-āvāz-e-mohabbat

jahāñ jahāñ se maiñ guzrūñ udaas rātoñ meñ
vahāñ vahāñ tirī āvāz-e-pā zarūrī hai

chashm-e-ḳhūbāñ mai-farosh-e-nashshah-zār-e-nāz hai
surma goyā mauj-e-dūd-e-shola-e-āvāz hai

paikar-e-ushshāq sāz-e-tāla-e-nā-sāz hai
naala goyā gardish-e-saiyyāra kī āvāz hai

chashm-e-ḳhūbāñ ḳhāmushī meñ bhī navā-pardāz hai
surma to kahve ki dūd-e-sho.ala-e-āvāz hai

sadiyoñ kā dard vaqt kī āvāz ban gayā
phir se bapā vo ma.arka-e-karbalā huā

kaun haiñ kis jagah haiñ ki TuuTā hai jin ke safar kā nasha
ek Duubī sī āvāz aatī hai paiham ki ghar jā.eñge

mast uḌte parindoñ ko āvāz mat do ki Dar jā.eñge
aan kī aan meñ saare aurāq-e-manzar bikhar jā.eñge

us kī āvāz ki be-dāġh sā ā.īna thī
talḳh jumla bhī vo kahtā to maza detā thā

āvāz koī detā hai sadiyoñ ke safar se
ik pal ke liye jaise Thahar jaatī hai duniyā

ashk kyā chhalke hamārī aañkh se
lafz bhī āvāz meñ bal khā ga.e

tanhā.ī kā bhārī patthar ek zarā sā sarkā hai
kaḌiyoñ kī āvāz paḌī hai ik qaidī ke kānoñ meñ

hurūf milte hī āvāz Duub jaatī hai
jo chup rahūñ na batāo to kyā karūñ phir maiñ

dhūp-jañgal meñ phir kho gayā hai koī
chāñd tāroñ ko āvāz detā huā

terā lahja hai ki sannāTe ne āñkheñ kholīñ
terī āvāz kalīd-e-dar-e-tanhā.ī hai