Tags-Teacher

bāġhbāñ gulshan-e-ālam kā maiñ vo bulbul huuñ
tā.er-e-sidra kahā kartā hai ustād mujhe

ho halqa-ba-gosh āh-o-fuġhāñ kā mirī majnūñ
jab kaan pakaḌ yaad ham ustād kareñge

kyā kaheñ kitne hī nukte haiñ jo barte na ga.e
ḳhush-badan ishq kareñ aur hameñ ustād rakheñ

'beḳhud' na kyuuñ hoñ dūrī-e-ustād hai malūl
socho to mārvāḌ kahāñ hai dakan kahāñ

ahl-e-bīnash ko hai tūfān-e-havādis maktab
lutma-e-mauj kam-az saili-e-ustād nahīñ

dast o pā kar ke maiñ gum niklā dabe-pāñv kyā
milā vo tifl mujhe raat jo ustād ke saath

sho.arā aap ko bhī ḳhuub banāte haiñ 'riyāz'
sab ye kahte haiñ koī aap sā ustād nahīñ

kal apne muriido.n se kahaa piir-e-muGaa.n ne
qiimat me.n ye ma.anii hai dur-e-naab se dah-chand

sab ko da.avā-e-vafā sab ko yaqīñ
is adākārī meñ haiñ ustād sab

hote haiñ jaate hī maktab meñ parī-rū ḳhūñ-rez
kyā ye jallādoñ ko ustād kiyā karte haiñ

ai 'shād' abas hai us kā gilā vo hajv kare yā tujh se phire
tā-hashr rahā shāgird tirā ustād tujhe jab maan liyā

siikh jaatā hai bashar ishq ke sadme sah kar
choT dil kī bhī kam az saili-e-ustād nahīñ

ḳhuub hai us gul ko laa.e raah par
ai 'sabā' tum bhī baḌe ustād ho

yuuñ to duniyā meñ har ik kaam ke ustād haiñ shaiḳh
par jo kuchh aap meñ fan haiñ vo kise yaad haiñ shaiḳh

mahrūm huuñ maiñ ḳhidmat-e-ustād se 'munīr'
kalkatta mujh ko gor se bhī tañg ho gayā

mere sañg-e-mazār par farhād
rakh ke tesha kahe hai yā ustād

tum rañg ho tum nuur ho tum shīsha ho tum jaam
kirnoñ se bharī sub.h ho tāroñ se bharī shaam

lā-raib 'nasīm'-dehlavī to
ustād-e-nazākat-e-suḳhan hai

ye sach hai ki saudā bhī thā ustād-e-zamāna
merī to magar 'mīr' hī thā sher ke fan meñ

reḳhte ke tumhīñ ustād nahīñ ho 'ġhālib'
kahte haiñ agle zamāne meñ koī 'mīr' bhī thā