Tags-Teer

dil kī ḳhalish-pasañdiyāñ haiñ ki allāh kī panāh
tīr-e-nazar ko jān-e-rag-e-jāñ banā liyā

kisī pahlū se koī tiir aa kar chaaT jā.egā
hazāroñ zāviye haiñ aur kamāneñ ghaTtī baḌhtī haiñ

tiir kī jaañ hai dil dil kī jaañ tiir hai tiir ko yuuñ na khīñcho kahā maan lo
tiir khīñchā to dil bhī nikal aa.egā dil jo niklā to dam bhī nikal jā.egā

yuuñ taras khā ke na pūchho ahvāl
tiir siine pe lagā ho jaise

na kisī kamān meñ tiir hai na gulāb haiñ kisī haath meñ
mire shahr ke sabhī log haiñ kisī ajnabī sī kitāb se

vasf-e-kamān-e-abrū jo kījiye so kam hai
be-tīr bismiloñ ke tuude lagā diye haiñ

ik savāl-e-vasl par do do sazā.eñ diiñ mujhe
teġh se kaaTā zabāñ ko sī diye lab tiir se

qasr-e-jānāñ tak rasā.ī ho kisī tadbīr se
tā.ir-e-jāñ ke liye par maañg luuñ maiñ tiir se

mar jā.ūñ un ke tīr-e-nigah se najāt ho
gardan pe mere un kā ho ehsāñ kisī tarah

nāla-e-bulbul se fasl-e-gul garebāñ chaak hai
ġhuncha ġhuncha said hai bād-e-sahar ke tiir kā

abr ke bin dekhe hargiz ḳhush dil-e-mastāñ na ho
tiir bārāñ hove mujh par jab talak bārāñ na ho

kabhī jo aiboñ ke tiir ghā.el kareñ nazar ko
to ḳhvāhishoñ kī jhukī kamāñ ko bhī yaad rakhnā

furāt jiit ke bhī tishna-lab rahī ġhairat
hazār tīr-e-sitam zulm kī kamīñ se chale

na samjhiyo ki falak par sitāre haiñ raushan
haiñ raḳhna-dār mire tīr-e-āh ke maare

apnī qismat se hai mafar kis ko
tiir par uḌ ke bhī nishāne lage

jo sansanātā hai kuufa o nainvā kā ḳhayāl
gulu-e-jāñ kī taraf tiir aane lagte haiñ

tum zaḳhm-e-dil kī mere ḳhabar pūchhte ho kyā
tīr-e-nigāh dil ke to ab vār-pār hai

kamāñ se tiir chalā aur sabā ne chupke se
hilā ki haath parinde ko hoshiyār kiyā

hamārī har nazar un kī nazar meñ Duub jaatī hai
ham apnā tiir un ke tiir ke paikāñ meñ rakhte haiñ

ik rañg sī kamān ho ḳhushbū sā ek tiir
marham sī vārdāt ho aur zaḳhm khā.ūñ maiñ