Tags-Tevar

zamāna kyā dekhiye dikhā.e na jaane kyā inqalāb aa.e
falak ke tevar meñ ḳhashmagīñ se zamīñ ke dil meñ ġhubār sā hai

ki būḌhe peḌ ke tevar badalne lagte haiñ
kahīñ jo ghaas kā tinkā bhī sar nikāltā hai

bik ga.e pichhle dinoñ sāhib-e-ālam kitne
ham faqīroñ ke magar 'ja.afarī' tevar haiñ vahī

mar ga.e ham magar na rahm aayā
vahī tevar haiñ yaar kyā kahnā

batā rahe haiñ jabīn-e-hayāt ke tevar
panāh mil nahīñ saktī ab āstānoñ ko

baat bantī nazar nahīñ aatī
un ke tevar se ho gayā ma.alūm

shāhān-e-kaj-kulāh zamīñ-bos ho ga.e
tevar magar vahī haiñ mire sar ke dekh lo

jo havāle se mire mahfil meñ pahchāne ga.e
zikr par mere unhī logoñ ke tevar dekhnā

us ke anā kī vaz.a thī sab se alag 'fazā'
kyā shaḳhs thā ki apne hī tevar se kaT gayā

is bhuul meñ na rah ki ye jhoñke havā ke haiñ
tevar to un ke dekh zarā kis balā ke haiñ

har aan umañgoñ ke badalte rahe tevar
har aan mohabbat meñ na.ī raah chale haiñ

laḌāte jo ho 'shād' se ghar meñ āñkheñ
nazar Daalo ham par bhī tevar se bāhar

ham ne dekhā hai zamāne kā badalnā lekin
un ke badle hue tevar nahīñ dekhe jaate

kuchh bhī hoñ mauj o havā ke tevar
jism parvarda-e-tūfāñ hai bahut

chup rahe dekh ke un āñkhoñ ke tevar āshiq
varna kyā kuchh na uThā sakte the mahshar āshiq

har saal na.e patte badal dete haiñ tevar
būḌhā hai magar peḌ purānā nahīñ lagtā

ġhazal kī shā.irī kā vasf hai sab se judāgāna
adā se fikr se uslūb se jiddat se tevar se

husn ke tevar kyā kahne
har lahza ik taaza baat

dil meñ ik tiir jo sur.at se utar jaatā hai
jab ghaḌī bhar meñ badal jaate haiñ tevar chehre

baḌh ga.ī 'ḳhurshīd' jab shohrat mirī
dostoñ ke ġhair tevar ho ga.e