Tags-Travel

sahar un ko irāda hai safar kā
qayāmat aane meñ shab darmiyāñ hai

kitne pāgal haiñ ki raj.at ko taraqqī samjhe
āsmānoñ kī taraf mahv-e-safar haiñ kuchh log

ye haqīqat hai ki bachchoñ kī zarūrat ke liye
sūrat-e-silsila-e-gard-e-safar haiñ kuchh log

lafz-o-ma.anī ke samundar kā safar haiñ kuchh log
yaar is daur meñ bhī ahl-e-nazar haiñ kuchh log

havā kī tarah sahrā se guzar jā
safar meñ kyā sar-o-sāmān rakhnā

jalā degā agar rokā gayā to
abhī laavā safar tai kar rahā hai

thakī anā kā safar kahāñ tak kahīñ to ruk jā kahīñ to dam le
banā diyā hai masāfatoñ ne tire qadam kī hī dhuul tujh ko

yā rab ye dil hai yā ki hai ā.īna-e-nazar
dikhlā rahā hai sair o safar dar vatan mujhe

ye shams-o-qamar haiñ dekhe-bhāle
in sab kā maiñ ham-safar rahā huuñ

rok mat mujh ko farastāda-e-tuġhyānī huuñ
us safar meñ huuñ ki rasta bhī nahīñ chāhiye hai

na aanā tum ijāzat māñgne ko
na dikhlānā hameñ sūrat safar kī

sunā.ūñ maiñ kise ye jo kahānī is safar kī hai
shajar hai ik kahīñ jo saaya karne bhī nahīñ detā

raat us ne bhī kisī lamhe ko mahsūs kiyā
lauT aa.e kisī be-vaqt safar se ham bhī

qāfile vaalo na.e qāfila-sālār aa.e
ab badal jā.egī andāz-e-safar kī sūrat

qāfile gard-e-safar meñ Dūbe, ghanTiyoñ kī āvāz ghuTī
āḳhirī uuñT kī pusht pe Daalā raat ne siyāh ġharāra bhī

sadā-e-āmad-o-shud bā.is-e-safar thī 'kamāl'
nafas nafas mujhe apne lahū kā pyāsā lagā

ajab safar thā ki ham rāstoñ se kaTte ga.e
phir is ke ba.ad hameñ lāpata bhī honā thā

sahl kaT jaa.e ye tavīl safar
aur kar mere ham-safar bāteñ

musalsal ek hī tasvīr chashm-e-tar meñ rahī
charāġh bujh bhī gayā raushnī safar meñ rahī

na.ī uḌaan kā rasta dikhā rahī hai hameñ
vo gard pichhle safar kī jo bāl-o-par meñ rahī