Tags-Ayaadat

koī 'nāsir' kī ġhazal koī zafar kī mai-tarañg
chāhiye kuchh to mirī shām-e-ayādat ke liye

jo aap aa.eñ pa.e ayādat yaqīñ hai ho jaa.e mujh ko sehat
magar barā-e-ḳhudā ye zahmat kabhī gavāra na kījiyegā

vo dam-e-naz.a mire bahar-ayādat aa.e
haal kab pūchhte haiñ jab ki sunā bhī na sakūñ

ayādat ko mirī aa kar vo ye tākīd karte haiñ
tujhe ham maar Dāleñge nahīñ to jald achchhā ho

agar vo merī ayādat ko aa gayā hotā
to dostoñ ke bhī chehre utar ga.e hote

vo har dam kī ayādat se mirī ghabrā ke kahte haiñ
ġhazab meñ jaan hai apnī na mar jaa.e na achchhā ho