Tags-Urdu

hindostāñ kā jaadū saare jahāñ kā jaadū
hindostāñ kā jaadū urdu zabāñ kā jaadū

sar chaḌh ke boltā hai urdu zabāñ kā jaadū
hindostāñ kī miTTī ke āsmāñ kā jaadū

Thiik urdu abhī likhnī bhī nahīñ aa.ī hai
aisī kam-ilmī pe kyā ḳhuub ye goyā.ī hai

'ġhālib' ke ba.ad urdu ġhazal mar ga.ī 'nizām'
murde pe aisā kaun sā mantar karūñgā maiñ

hamāre zehn meñ dil meñ lahū meñ urdu hai
jiyeñge aur mareñge isī zabāñ ke liye

pahle thā ahl-e-zabāñ kā daur ab gardish meñ haiñ
chāhiye thī teġh-e-urdu ko fasān-e-lucknow

'hafīz' apnī bolī mohabbat kī bolī
na urdu na hindī na hindostānī

mere mahbūb kā urdu se hai rishta kam-kam
mainūñ aañdī na.iiñ punjabi te gal kaise ho

urdu meñ 'mus.hafī' ko bhī ustād kah ke 'shād'
āvāza kas gayā ye javāñ aur kī taraf

jahāñ pe qatl ho urdu zabāñ nafāsat se
chalo kuchh aaj usī anjuman kī baat kareñ

salīqe se havāoñ meñ jo ḳhushbū ghol sakte haiñ
abhī kuchh log baaqī haiñ jo urdu bol sakte haiñ

vo itr-dān sā lahja mire buzurgoñ kā
rachī-basī huī urdu zabān kī ḳhushbū

vatan meñ rah ke bhī hai be-vatan ye
bahut mazlūm ye urdu zabāñ hai

hamārī pyārī zabān urdu
hamārī naġhmoñ kī jaan urdu

ye kaisī bād-e-bahār hai jis meñ shāḳh-e-urdu na phal sakegī
vo kaisā rū-e-nigār hogā na zulf jis par machal sakegī

koī batāo vo kaun sā moḌ hai jahāñ ham jhijak ga.e haiñ
vo kaun sī razm-gāh hai jis meñ ahl-e-urdu dubak ga.e haiñ

hamārī pyārī zabān urdu
hamārī naġhmoñ kī jaan urdu

ġharīb-e-shahr ne rakkhī hai aabrū varna
amīr-e-shahr to urdu zabān bhuul gayā

urdu mushā.ere meñ milā ek nau-javān
bolā ki dollaroñ kā sambhālā huā huuñ maiñ

'faiz' ye mujh ko yaqīñ hai sāzishoñ ke bāvajūd
phūltī phaltī rahegī urdu hindostān meñ