Tags-Wada

phir jī meñ hai ki khā.iye koī nayā fareb
phir aa rahī hai ik but-e-va.ada-shikan kī yaad

vahī va.ada hai vahī aarzū vahī apnī umr-e-tamām hai
vahī chashm hai vahī raah hai vahī sub.h hai vahī shaam hai

mahshar kā kiyā va.ada yaañ shakl na dikhlā.ī
iqrār ise kahte haiñ inkār ise kahte haiñ

ab yaad bhī na aao ki va.ada bhī thā yahī
dasht-e-balā meñ va.ada-e-fardā bhī the hamīñ

shaam aa.ī to koī ḳhush-badnī yaad aa.ī
mujhe ik shaḳhs kī va.ada-shiknī yaad aa.ī

maut se va.ada nibhānā siikh le tū zindagī
umr bhar rakkhā hai tū ne muntazir ik diid kā

zindagī se umr-bhar tak chalne kā va.ada kiyā
ai mirī kambaḳht sāñso haa.e tum ne kyā kiyā

na jaane kitne parde darmiyāñ haa.il rahe lekin
shab-e-va.ada tasavvur meñ vo tanvīreñ nazar aa.iiñ

dilāyā yaad us paimāñ-shikan ko va.ada kyuuñ maiñ ne
pareshāñ huuñ kisī sūrat pashemānī nahīñ jaatī

sub.h aane kā us ke vaada hai
mujh ko par raat bhar kī aas kahāñ

va.ada kar ke raat kā tum
ḳhuub hī aa.e vaah jī vaah

tirā va.ada go jhuuT hī kyuuñ na ho
tasallī hamārī magar ho ga.ī

na sahī vasl koī vasl kā va.ada to kare
ham to is par hī bahal jā.eñge rafta rafta

vo hasb-e-va.ada na aayā to aañkh bhar aa.ī
mujhe tamāshā banāyā to aañkh bhar aa.ī

hai duur bahut zamān-e-va.ada
aur dil abhī se dhaḌak rahā hai

koī va.ada tirā vafā honā
din meñ tāroñ kā rūnumā honā

vo iThlā ke merī taraf aa rahe haiñ
qayāmat kā va.ada vafā ho rahā hai

kahte haiñ va.ada raat ko hogā vafā zarūr
allāh jald shaam ho roz-e-hisāb kī

phir vahī va.ada jo iqrār na banñe paayā
phir vahī baat jo isbāt na hone paa.ī