Tags-Wahshat

baḌhte baḌhte baḌh ga.ī vahshat vagarna pahle to
haath ke nāḳhun baḌhe sar ke hamāre mū baḌhe

fasl-e-gul ke aate aate
so jaatī hai vahshat kaisī

vahshat meñ nikal jā.ūñ maiñ sarhad se zamīñ kī
is gumbad-e-gardāñ kā vale dar nahīñ miltā

laTakte dekhā siine par jo tere tār-e-gesū ko
use dīvāne vahshat meñ tirā band-e-qabā samjhe

ai be-dareġh o be-amāñ ham ne kabhī kī hai fuġhāñ
ham ko tirī vahshat sahī ham ko sahī saudā tirā

dast-e-vahshat ke koī hausle dekhe 'tābāñ'
jab bhī māñge to usī shoḳh kā dāmāñ māñge

chhalkā paḌā hai chehroñ se ik vahshat-e-junūñ
phailā paḌā hai ishq kā bāzār ḳhair ho

unheñ agar mirī vahshat ko āzmānā hai
zamīñ ko saḳht kareñ dasht ko kushāda kareñ

jab ye ḳhvāhish kā amboh-e-vahshat na thā shahr itnā tahī-dast-e-fursat na thā
kitne ābād rahte the ahl-e-hunar har nazar thī yahāñ mehrbāñ yā aḳhī

aap gumrāh hai 'shaukat' mirī vahshat lekin
rāsta bhūlne vāloñ ko batā aatī hai

fasl-e-gul jo kar rahī hai sāmne hai dekh liije
maiñ karūñgā kuchh to naam ab merī vahshat kā lagegā

paañv vahshat ne pakaḌ rakhe the sahrā dekh kar
aur tasavvur jānib-e-dīvār-o-dar uḌtā rahā

us ko rahtā hai hamesha marī vahshat kā ḳhayāl
mere gum-gashta ġhazāloñ kā patā chāhtī hai

har jānib ik khel hai āpā-dhāpī kā
manzar manzar kaisī vahshat rakkhī hai

arsh par bhī ġhubār jaatā hai
dil jo vahshat meñ ḳhaak uḌātā hai

ye mujh ko batāte haiñ ġhazālān-e-tarah-dār
achchhā vahī rahtā hai jo vahshat nahīñ kartā

le uḌī dil ko sū-e-dasht havā-e-vahshat
phir ye jhoñkā mujhe kar dene ko barbād aayā

uḌāne dete haiñ vahshat-zada tere koī din meñ
baḌhegī justujū ab sūrat-e-aksīr miTTī kī