Tags-Wahshat

karb vahshat ġham masā.il ke tufail
aaj tak zinda ba-hamdillāh huuñ

qahqahoñ ke saath aañsū the ravāñ
raat vahshat meñ ajab aalam rahā

band darvāze hue
barhana vahshat huī

kahāñ le jā.egā yārab samand-e-tund vahshat kā
ki pīchhe rah gayā kosoñ dorāhā nār-o-jannat kā

khulā hai jalva-e-pinhāñ se az-bas chaak vahshat kā
maiñ Dartā huuñ kahīñ parda na phaT jaa.e haqīqat kā

ai dil vaalo ghar se niklo detā dāvat-e-ām hai chāñd
shahroñ shahroñ qariyoñ qariyoñ vahshat kā paiġhām hai chāñd

ā.ankhoñ meñ bhar kar is dasht kī hairānī
vahshat kī umda tasvīr banā lī jaa.e

bastī bastī parbat parbat vahshat kī hai dhuup 'ziyā'
chāroñ jānib vīrānī hai dil kā ik vīrāna kyā

kyuuñ na vahshat-e-ġhālib bāj-ḳhvāh-e-taskīñ ho
kushta-e-taġhāful ko ḳhasm-e-ḳhūñ-bahā paayā

arz kiije jauhar-e-andesha kī garmī kahāñ
kuchh ḳhayāl aayā thā vahshat kā ki sahrā jal gayā

ḳhaak chhānī na kisī dasht meñ vahshat kī hai
maiñ ne ik shaḳhs se ujrat pe mohabbat kī hai

paidā ye hijr-e-yār meñ vahshat huī ki aah
is dil kā vasl meñ bhī na dīvāna-pan gayā

vaqt-e-vahshat mujhe pahchān nahīñ paatā koī
phir batātā huuñ fulāñ shaḳhs kā beTā huuñ maiñ

ek be-nām ḳhvāhish kī pādāsh meñ terī palkeñ bhī bāham piro dī ga.iiñ
ek vahshat ko sairāb karte hue meñ bhī āñkhoñ meñ le kar thakan rah gayā

shauq rātoñ ko hai darpai ki tapāñ ho jā.ūñ
raqs-e-vahshat meñ uThūñ aur dhuāñ ho jā.ūñ

jahāñ ki sadiyoñ kī ḳhāmoshiyāñ sulagtī haiñ
kisī ḳhayāl kī vahshat ne gungunāyā mujhe

tum sitāroñ meñ kabhī tāroñ meñ kho.e rahte
vahshat-e-dil meñ liye ghar se nikalte kyuuñ ho

ain mumkin hai ki ho us se ilāj-e-vahshat
shahr meñ zor se ik naam pukārā jaa.e

aaj jo is bedardī se hañstā hai hamārī vahshat par
ik din ham us shahr ko 'rāhī' rah rah kar yaad ā.eñge