Tags-Azaab

huā musalmāñ maiñ aur Dar se na dars-e-vā.iz ko sun ke 'momin'
banī thī dozaḳh balā se bantī azāb-e-hijr-e-sanam na hotā

bahut sajā.e the āñkhoñ meñ ḳhvāb maiñ ne bhī
sahe haiñ us ke liye ye azaab maiñ ne bhī

furqat meñ sāz-e-rāhat sāmāñ azaab kā hai
ThanDī havā ke jhoñke kyā jī jalā rahe haiñ

jhulas ke rah gayā chehra tamām ḳhvāboñ kā
ḳhumār-e-tishna-labī kā azaab aisā thā

ā.eñge be-shumār farishte azaab ke
maidān-e-hashr ġhair kī turbat meñ chāhiye

maiñ āshnā-e-mohabbat to be-qarār hī thā
vo āshnā-e-mohabbat na thā azaab meñ thā

qad se 'nasīr' us ke sadā ik shor-e-mahshar hai bapā
chhūTe azāb-e-qabr se kyā ḳhaak yaañ mar kar bhī ham

idrāk ke ye dukh ye azaab āgahī ke dost!
kis se kaheñ ḳhatā nigah-e-ḳhud-nigar kī hai

jāgte meñ bhī ḳhvāb dekhe haiñ
dil ne kyā kyā azaab dekhe haiñ

un se bachhḌā to is azaab meñ huuñ
maut kahiye ki zindagī kahiye

phir is ke ba.ad tire ishq ko lagāyā gale
har ek saañs ko apne liye azaab kiyā

mire haal pe chhoḌ tabīb mujhe ki azaab hai mirī ziist mujhe
merā marnā hī mere liye hai shifā mere dard kī koī davā hī nahīñ

dekh lenā ek din be-roz-gārī kā azaab
chhīn kar chehroñ kī saarī dilkashī le jā.egā

vo aa rahā thā magar maiñ nikal gayā kahīñ aur
so zaḳhm-e-hijr se baḌh kar azaab maiñ ne diyā

vasl-o-furqat azaab haiñ donoñ
bā.is-e-iztirāb haiñ donoñ

hasrat-e-dīd-o-nā-murādī-e-shaq
ik mukammal azaab haiñ donoñ

aziyyatoñ kā nuzūl mauqūf ḳhaak uḌāne hī par nahīñ hai
azaab un ko bhī to mile haiñ jo log apne hī ghar rahe haiñ

maiñ jheltā rahā huuñ azaab is kā umr bhar
bachpan meñ ek ahd kiyā thā ḳhudā ke saath

mire gunāh meñ shāmil rahā hai tū bhī 'asad'
nibhāne ahd-e-vafā ab mire azaab meñ aa

ye kaun phir se unhīñ rāstoñ meñ chhoḌ gayā
abhī abhī to azāb-e-safar se niklā thā