Tags-Wajood

'rahbar' ye zindagī thī bahut mo'atabar magar
merā vajūd mujh ko tamāshā banā gayā

maiñ jism pe Talcum nahīñ
apne vajūd pe

jab koī ālam-e-shuhūd na thā
maiñ bhī ik ḳhvāb thā vajūd na thā

mirā vajūd mirī ruuh ko pukārtā hai
tirī taraf bhī chalūñ to Thahar Thahar jā.ūñ

ai zindagī tū thāmtī mere vajūd ko
tere liye jahān meñ bhaTkā to maiñ bhī huuñ

sitār-e-ḳhvāb se bhī baḌh kar ye kaun be-mehr hai ki jis ne
charāġh aur aa.ine ko apne vajūd kā rāz-dāñ kiyā hai

tirā ġhurūr jhuk ke jab milā mire vajūd se
na jaane merī kamtarī kā chehra kyuuñ utar gayā

mire vajūd meñ aisā samā gayā koī
ġham-e-zamāna nahīñ fikr-e-māh-o-sāl nahīñ

mausam ke sard-o-garm ishāre se kaT gayā
zaḳhmī vajūd vaqt ke dhāre se kaT gayā

yahāñ pe kuchh na ho bikhrī huī sadā ke sivā
mire vajūd ko ujḌā huā makāñ kar de

us kī ḳhush-bū se mo.attar hai mirā saarā vajūd
tere chhūne se jo ik phuul khilā hai mujh meñ

mujh meñ ābād haiñ ik saath adam aur vajūd
hast se bar-sar-e-paikār fanā hai mujh meñ

vajūd apnā kise kab aziiz thā 'nāhīd'
huī hai shaam se pahle hī shaam gahrī kyuuñ

mirā vajūd bhī kyā kuchh ḳhudā se miltā hai
savāl-e-shak se hai begāna merī hastī kyuuñ

vo yaad aa.e to apnā vajūd hī na mile
na yaad aa.e to mujh ko thakan ziyāda ho

ā.īna-e-vajūd meñ ḳhud ko jo dekhne gayā
merā hī aks ban gayā ek diyā bujhā huā

miltā nahīñ vajūd ke bāhar kisī se maiñ
mujh se mire vajūd ke andar milā karo

ābgīnoñ kā shajar hai ki ye ehsās-e-vajūd
jab bikhartā hai bikhartā hī chalā jaatā hai

ab kaise charāġh kyā charāġhāñ
jab saarā vajūd jal rahā hai

dosh-e-vajūd par mire is zindagī kī laash
kyā nāgavār bojh dharā hai ki haa.e haa.e