Tags-Wajood

mirā vajūd sila hai mirī shikastoñ kā
bigaḌ bigaḌ ke banoge to baat samjhoge

sitam kī lahr chalī aa mujhe gale se lagā
mire vajūd ke āñgan meñ sochtī kyā hai

maiñ uḌ rahā thā fazāoñ kī vus.atoñ meñ magar
mirā vajūd abhī bām-o-dar kī qaid meñ thā

hāsidoñ ke maiñ ta.anoñ kā suntā rahā, reza reza vajūd apnā chintā rahā
bārish-e-sañg meñ bhī na pīchhe haTā, maiñ ne us dil ko patthar kā ghar kar liyā

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

imkān-e-vajūd ke safar par
nikle to muhāl ho ga.e ham

zaḳhm-e-vajūd kī davā bas vahī āḳhirī sadā
zinda huuñ jis ke shauq meñ sabr-e-kabīr ke sabab

thā ḳhas-o-ḳhāshāk kī mānind apnā hī vajūd
sirf ham par hī girī hoñ bijliyāñ aisā na thā

ho jaa.e jal ke ḳhaak na ḳhud ye mirā vajūd
Dartā huuñ aah kā asar ulTā na ho kahīñ

pūchh ham se ki haqīqat meñ hai kyā terā vajūd
tere shānoñ pe ye ik sar bhī bahut lagtā hai

vajūd vahm banā miT gayā magar phir bhī
tumhāre paas nahīñ huuñ qayās ho kar bhī

mujhe pata hī nahīñ kab vo lafz-e-kun ban kar
mire vajūd ke dīvār-o-dar meñ gūñjā thā

ye lahm o ḳhuuñ ke kinā.e ye zehn ke uslūb
mire vajūd kā pairāya-e-numū kyā hai

kaun sā lafz adā hone kā pas-manzar hai merā vajūd
kis kā haul hai mere dil meñ kaisā sannāTā huuñ maiñ

ham ek fikr ke paikar haiñ ik ḳhayāl ke phuul
tirā vajūd nahīñ hai to merā saayā nahīñ

ham hisār-e-vajūd ke rah-rau
gardish-e-lā-zavāl meñ gum haiñ

na jaane kaun ġham-e-kā.enāt se chhup kar
mire vajūd meñ baiThā hai kunDalī maare

vo bastiyāñ jo tabāhiyoñ meñ numū kī tasvīr ban ga.ī haiñ
vajūd jin kā kahīñ nahīñ hai magar mirī ḳhaak meñ milegā

mire vajūd ko paikar kī hai talāsh abhī
maiñ ḳhaak huuñ hunar-e-kuzah-gar ke hote hue

bahār hai na vajūd-e-bahār baaqī hai
diloñ meñ yād-e-numūd-e-bahār baaqī hai